Malinaw ayon sa palad... BABAENG NAKATAKDANG MAKAPAG-ABROAD AT MAKATULUYAN ANG KASALUKUYANG BF

Maestro Honorio Ong

KATANUNGAN

1. Kapapasa ko lang sa Nursing Board Exam, ga­yundin ang boyfriend ko habang nasa Australia naman ang ate, mga kapatid at mama ko, hinihintay na nila ako para ru’n na rin ako magtrabaho. Ang problema, nangako kami sa isa’t isa ng boyfriend ko na walang mag-a-abroad o aalis sa amin dahil ayaw naming magkalayo baka kasi kapag nagkalayo kami ay hindi na kami ang magkatuluyan.

2. Ang plano namin ay magtatrabaho na lang kami sa private hospital at mas maganda kung sa iisang ospital kami magwo-work.

3. Kaya lang nalilito ako ngayon dahil panay ang tawag sa akin ng ate ko, pinasusunod na raw ako ni mama sa Australia at kinukulit nila ako na ayusin ko na ang mga papeles ko.

4. Maestro, paano ang pangako namin sa isa’t isa ng boyfriend ko na walang aalis sa amin? Ano ang na­kaguhit sa aking mga palad at ano ang dapat kong gawin? Kami na ba ang magkaka­tuluyan ng boyfriend ko o magkaka­hiwalay din kami sa bandang huli?

KASAGUTAN

1. Kung minsan, wala namang naga­gawa ang mga plano, pangako, pangarap o sumpaan sa itinakda ng kapalaran.

2. Kadalasan pa nga, kapag sadyang na­katakda na ang kaganapan, tanggihan man natin ito o ayawan, hinding-hindi natin ito matatakasan dahil sa bandang huli, ang na­ka­takda pa rin ang matutupad! Tulad ng pagkakahalal kay Pangulong Rodrigo Du­terte, kahit ayawan pa ito ng mga “dilawan at ng Simbahan” dahil nakatakda na siyang maging pangulo ng bansa, kahit ang mga libu-libo pang anghel sa langit ang magprotesta, mananatili pa rin si Pangulong Duterte sa Malacañang dahil ‘yun ang nakatakda sa kanyang kapalaran.

3. Ganu’n yun, kapag nakatakda, kahit gaano ka pa makapangyarihan, hindi mo mapipigilan ang kapalarang sa iyo ay malaon ng nakalaan.

4. Samantala, tiyak na makapag-a-abroad ka, Ms. Libra, ayon ito sa malinaw at malawak na Travel Line (Drawing A. at B. t-t arrow a.) sa kaliwa at kanan mong palad. Tanda na hindi mapipigil ng pangako ninyo sa isa’t isa ng boyfriend mo na hindi kayo maghihiwalay sapagkat ito ang itinakda ng kapalaran — ang makapagtrabaho ka at ito ay magaganap sa malapit na hinaharap.

5. Ngunit, ang nakatutuwa, dahil iisa lang ang makapal at malinaw na Marriage Line (Drawing A. at B. 1-M arrow b.) sa kaliwa at kanan mong palad, kung matagal na kayong magkarelasyon ng boyfriend mo habang meaningful at qua­lity relationship naman ang namamagitan sa inyong dalawa, sinasabing kahit na magkalayo kayo ng boyfriend mo, sa pinakamalalang senaryo ay nakarating ka na halim­bawa sa Australia, sa bandang huli, ang takdang kapalaran ang kusang gagawa ng paraan upang kayo ay muling pagtagpuin ng tad­hana kung saan muling magkikita at pagdurugtungin ang inyong naunsiyaming relasyon at sa pagdurugtong na ito, hindi na kayo magkakahiwalay pang muli upang pagkatapos ay tuluyan na kayong magsasama at bubuo ng pangha­bambuhay at maligayang pamilya.

MGA DAPAT GAWIN

1. Ang buhay ng tao ay walang ipi­nagkaiba sa telenobela. Maraming ka­dramahan at iba’t ibang nakaiiyak at na­katutuwang mga eksena. Pero, kung pa­ano itu-twist ng direktor ang mga pang­yayari, nasa husay na ito ng manunulat na siyang nagpapaganda ng ating buhay, kahit ano pa ang ating sapitin, masasabing dahil hindi natin alam ang climax o ending, ito ang nagpapasara sa tinatawag nating “life.” Oo, ‘yung hindi mo alam ang ending, pero alam mong ikaw ang bida sa pelikulang buhay mo ang istorya.

2. Habang, ayon sa iyong mga datos, tiyak ang maga­ganap, tuluyan ka ng makapag-a-abroad upang pansa­mantalang iwanan dito sa ‘Pinas ang iyong nobyo. Sa pa­nahon ng inyong nakaiiyak na paglalayo, mapipilitan na rin siyang mangibang-bansa at magkaroon ng ibang girlfriend.

3. Ngunit, tulad ng nasabi na, sadyang hindi kayang pi­gilan ng mga ikinikilos at ginagawa ng tao ang nakatakda niyang kapalaran. Lilipas ang mga tatlo o apat na taon ninyong paglalayo ng boyfriend mo, sa taong 2023, pipihit muli ang kamera ng kapalaran habang paisa-isang puma­patak ang snow kung saanman kayo naroroon, muli kayong pagtatagpuin ng tadhana upang tuparin ang ipinangako ninyo sa isa’t isa — ang magmahalan ng wagas at magkaroon ng maligaya at panghabambuhay na pamilya (Drawing A. at B. 1-M arrow b.).