Prangkahan na, galit daw talaga siya sa ex-First Sister… GRETCHEN, UMAMING NGAYON LANG PUMALAG DAHIL

Vinia Vivar / FRANKLY SPEAKING

DIRETSONG sinabi ni Gretchen Barretto na may galit siya kay Kris Aquino sa kanyang panayam kina Ogie Diaz at MJ Felipe sa DZMM Teleradyo program na OMJ last Saturday.

Pereo hindi na sinabi pa ni Greta ang dahilan kung bakit siya galit kay Kris dahil sa ibang panahon na lang daw niya ito idi-discuss. Pero sa mga paha­yag niya, tila may ginawa si Kris sa kanya in the past na hindi niya nagustuhan.

“Hindi ako ‘yung out of the blue, nagsalita, out of the blue, lumalaban. No! May pinagla­labanan (sic: ipinaglalaban) ako. I know the truth and I know what’s happening and I know what has been done to me,” paha­yag ng dating aktres.

Diretsahan ding sinabi ni Greta na nagri-react siya ngayon because Kris is powerless now.

“Maybe you can call me a coward that I’m reacting now because Kris is powerless. But this is the time I feel that I can react. Because then or for the longest time, she had the power and she did everything that she wanted,” saad pa niya.

Ang tanging nakaka­pigil lang daw sa kanya noon to go against Kris ay dahil sa ina nitong si yumaong former President Cory Aquino (SLN) whom she addressed as “Auntie Cory” since tiyahin nga ito ng kanyang live-in partner na si Tony Boy Cojuangco.

“Why? Because kung nata­tandaan n’yo, when Meldy Cojuangco, the mother of Tony Cojuangco did not accept my daughter, Dominique, the one who really stood up for my daughter, Dominique, was Auntie Cory,” pagri-recall ni Gretchen.

Palagi raw nagpupunta si Tita Cory sa birthday party ni Dominique at lagi raw itong nagbibigay ng gifts sa anak niya at maging sa kanya.

“And Auntie Cory said that ‘If Meldy does not accept Dominique as her grandchild, aakuin ko si Dominique.’ And she did that. And for that, malaki ang utang na loob ko kay Auntie Cory.”

Ipinagmalaki rin ni Greta na binibigyan din daw sila ng mga paintings ni Tita Cory who, as we all know, ay mahilig mag-paint noong nabu­buhay pa.

“And I will forever treasure that and that’s what’s holding me back from fighting Kris. But Kris is a different specie,” she said.

Samantala, sa tanong naman ni Ogie kung ano ang kinalaman ni Greta sa away nina Kris at Ni­cko Falcis, ani Gretchen ay sa tama lang daw siya.

“I’m not saying I’m the most pure person on earth, pero kung ang tama, tama. Tama, nandoon ako sa tama,” she said.

Sinabi rin niyang hindi pa raw niya naki­kita in person ang mag­ka­patid na Jess and Nicko pero ga­nu’n daw ang karak­ter niya na kahit hindi niya kilala or hindi niya kaibigan, ipagta­tanggol niya basta nasa tama.