Kasabay ng UN visit | 100 PATAY SA ‘MASSACRE’

TINATAYANG nasa higit 100 katao ang napatay ng mga armadong kalalakihan sa pagsalakay sa Fulani Village sa Central Mali.

Ito ay kasabay ng pagbisita ng top officials ng United Nations (UN) sa nasabing bansa upang talakayin ang tumataas na lebel ng ethnic at jihadist violence sa bansa.

Ayon sa mayor ng Ounekoro na si Cheick Harouna Sankare, umabot na sa 115 katao ang nasawi sa umano’y massacre.

Gayundin, ayon sa pahayag ng governor ng Bankass District na si Boubacar Kane, naniniwala ang mga nakaligtas na ang mga traditional Dogon Hunter ang umatake sa kanila.

Samantala, ayon sa ilang sources, naganap ang naturang pag-atake noong Sabado sa village na malapit sa Burkina Faso Border.