Alamin mula kay Maestro... KAPALARAN NG MGA KABAYO TUNGKOL SA PAKIKIPAGKAIBIGAN

Maestro Honorio Ong

SINASABING sa 12 animal signs, ang Ka­bayo ang pinaka-busy sa lahat. Oo masyadong hectic ang kanilang schedule, palagi silang nagmamadali at aliga­gang-aligaga sa bawat araw ng kanilang pina­sisimulan.

Bukod sa aliga­ga at palaging nag­mamadali, ang Ka­bayo ay sinasabing may kakayahan din sa “multitasking” kung saan napagsa­sabay-sabay nila ang maraming mga gawain sa iisang oras o pagkakataon.

Puwedeng may kausap na sila sa cell­phone ay nagtiti­pa pa sa keyboard ng com­puter ang kanang kamay, naghahalo ng kape ang ka­liwang kamay habang nag­babasa ng diyaryo at na­ngunguyanguyakoy pa.

Ganu’n kahusay ang mga Kabayo, kaya kadalasan hin­di nila namamalayan ay na­wawalan sila ng konsen­tras­yon sa iisang gawain lamang.

Dahil maangas at pala­ging maraming ginagawa, sinasabi ring kailangang-ka­ilangan ng Kabayo ang pa­mamasyal, paggala o ang pag-gimmick.

Nangyari ito sapagkat ang pamamasyal ay na­ka­tu­tulong sa Kabayo upang hin­di lamang marelaks ang ka­nilang katawan kundi para makapagpahinga rin ang ka­ni­lang kaluluwa at isipan.

Kapag nakapag-recharge na ang Kabayo kung saan ay nakapamasyal na siya mala­pit sa nature, sinasabing mu­ling bumabalik ang kanyang lakas, suwerte at magagan­dang kapalaran.

Kabaligtaran naman nito kapag ang Kabayo ay na­adik sa katatrabaho, nakalimu­tang mamahinga at magli­bang, sa halip ay puro pag­hahanapbuhay na ang inatu­pag at pinagkaabalahan, ang ganitong style ng pamumu­hay ang tiyak na maghahatid sa Kabayo sa pagkakaroon ng sakit at kalungkutan.

Kaya nga, tulad ng nasabi na, kung ikaw ay tipikal na Kabayo, mahalagang-ma­laga sa iyo na mayroon kang regular na pamamasyal ka­hit na dalawang beses sa loob ng isang taon o kaya naman ay isang beses kada buwan.

Bagama’t, hindi mahu­say na tagapayo dahil palaging dinaragdagan at kinukula­yan ang mga pangyayari at sit­wasyon, marami ring pala­bok at tsetseburetse kung magsalita, sinasabing ma­sarap namang kasama ang mga Kabayo dahil kapag ka­sama mo sila ay mai-enter­tain o malilibang ka talaga sa kanila, hindi lamang tungkol sa kanilang mga sina­sabi kundi pati na rin sa ikiniki­los at ginagawa ng Kabayo kung saan tulad ng nasabi na, ma­saya silang kasama kaya kahit na ma­ikling panahon lang, kapag kasama mo ang Kabayo, parang makali­limutan mo talaga pan­samantala ang lahat ng mga suli­ranin at mga problema sa mundo.

Kaya naman sa 12 ani­mal signs na huma­rap sa palasyo ni Lord Buddha, matatagpuang ang Kabayo ang isa sa may pina­kamaraming kaibigan dahil bukod sa sila ay masaya at masa­rap kasama, sila rin ay mapagbigay at matulungin sa kanilang mga kaibigan.

Dahil dito, sobrang pala­kaibigan at bihirang-bihira sa mga Kabayo ang napipir­mi sa bahay dahil tulad ng na­sabi na, bukod sa pama­mas­yal, gustung-gusto rin ng Kabayo na nasa galaan ka­sama ang mga tropa nilang easy-go-lucky.

(Itutuloy)