Kahulugan na hindi masaya sa love life

Socrates Magnus

Salaminin natin ang pa­­naginip ni Tender Green ng Tender_Green@facebook. com

Dear Professor,

Sumulat na ako sa inyo mga ilang taon na ang naka­lipas at tamang-tama ang in­terpretasyon ninyo sa pana­ginip ko.

Madalas akong managinip na nasa tubig daw ako kung saan nakalutang at unti-un­ting lumulubog.

Para itong totoo dahil na­raramdam ko ang lamig at pressure ng tubig kahit sa panaginip lang.

Pero, unti-unti akong lu­mul­ubog hanggang sa hindi n­a ako makahinga.

Ano ang ibig sabihin nito?

Naghihintay,

Tender Green

Sa iyo Tender Green,

Ang buhay ang numero-unong pinakamahalaga kaysa sa ibang mga bagay. Sa ganitong katotohanan, ikaw ay mahigpit na pinapayuhan na magpatingin sa doktor dahil maaaring ang iyong panaginip ay nagbababala ng karamdaman na may kaug­na­yan sa iyong heart or lungs.

May mga pagkakataong kapag ang puso ay maraming tubig, mananaginip ang indi­bidwal ng tulad mismo ng pa­naginip mo, gayundin, kapag ang baga ay nagkaroon ng tu­big.

Paano kung nagkataong ayon sa doktor ay okay naman ang kalusugan mo?

Ang napanaginipan mo ay naglalarawan na ang hina­ha­ngad mo ay ang kaligayahang maka-ubos-hininga na para kang na­lulunod sa ligaya.

Palatandaan din ito na hin­di ka masaya sa love life mo, ku­lang na kulang ka sa ligaya at ang payo ay nagsasabing paka­walan mo ang iyong sarili sa pagka­kakulong sa kung anu-anong bagay na ibinakod mo sa iyong buhay

Pangkaraniwan, ang mga bakod na inilagay ng tao sa kanyang sarili ay ang mga ma­kalumang patakaran ng buhay at mga pag-aalala sa mga sa­sabihin ng mga tao.

Kapag ang tao ay nakalaya sa nasabing mga “bakod ng buhay”, siya ay magsisimula nang makaranas ng saya na matagal na niyang pinakaa­asam-asam.

Kaya mahalaga na ikaw ay personal na maligaya. Nabu­buhay ka ba sa sarili mong mun­do kung saan ikaw lang ang nasusunod?

Mahirap man maunawaan, ang kaligayahan ay bunga ng pagiging malaya.

Hanggang sa muli, Professor Seigusmundo del Mundo