Pambansang Bae, may surprise pa sa labs mo, Daniel… VIDEO NG YAKAPAN NINA ALDEN AT KATHRYN, KALAT NA

Anj Cabilla / PAK ANG GANAP!

MAY kumakalat na video ngayon ng ba­gong on screen love team na sina Kathryn Bernardo at Alden Ri­chards kung saan ma­papanood ang pag­­ya­yakap ng dalawa at ang birthday surprise ng huli para sa kan­yang ba­gong leading lady.

May Instagram user na may account name na @phildada ang nag-upload ng video na napag-ala­man na kuha sa gina­nap na look test para sa kanilang unang pe­li­kulang pagsasa­ma­han na ididirek ng block­buster director na si Cathy Garcia-Molina.

Makikita rin sa vid­eo na si Alden ang nanguna sa pagkanta ng Happy Birthday habang hawak-hawak ang cake na sorpresa para kay Kathryn.

Ayon kay Direk Cathy, nauna na ang birthday surprise nila para sa aktres dahil baka hindi na raw nila ito uli makita sa kadahilanang magba­bakasyon ito kasama ang kanyang pamilya at mga kaibigan sa isang priba­dong beach resort.

Nakatakdang magdiwang si Kath­ryn ng kanyang 23rd birthday ngayong darating na March 26.

Matapos hipan ni Kathryn ang kandila, inasar pa siya ni Direk Cathy na mukhang natagalan daw yata ang aktres sa pagwi-wish.

Sagot ni Kathryn, “Para sa atin lahat ito!”

Ito ang unang pagsasama nina Kathryn Bernardo at Alden Richards para sa pelikulang nakatakda nang i-shoot sa darating na Abril kung saan iikot ang istorya sa kuwento ng dala­wang OFWs na nasa Hong Kong.

Sa kabila ng pagkakaroon ng sari-sariling love team ng dalawa, tinanggap at sinuportahan pa rin naman ng kani-kanilang fans ang unang pelikulang pagsasamahan nila.