Negosyante nilikida ng riding-in-tandem

ABRA—Isang negosyante ang napatay nang barilin ng riding-in-tandem, kamakalawa sa Bgy. Poblacion, Tayum sa lalawigang ito.

Ang biktima ay nakilalang si Rodolfo Belleza, nakatira sa nabanggit na barangay.

Nabatid na habang nagtitinda ng lechon si Belleza ay sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Iniimbestigahan na ng pulisya ang motibo ng mga suspek sa pamamaslang sa biktima.