Malinaw ayon sa palad... BEBOT NA NAKATAKDANG MAKASUNDO ANG BIYENAN KUNG SAKALING MAKAPAG-A-ABROAD

Maestro Honorio Ong

KATANUNGAN

1. Pinaaalis na kami sa bahay na inuupahan na­min dahil limang buwan na kaming hindi naka­babayad. Sabi ng mister ko, babalik na lang daw kami sa nanay niya o sa biyenan kong masungit na noon ay nakasama na rin namin sa bahay, pero dahil hindi ko makasundo ang biyenan ko ay nangu­pa­han na lang kami.

2. Sa balak na ito ng mister ko na bu­ma­lik kami sa mga biye­nan ko ay tutol na tu­tol ang kalooban ko, pero wala akong ma­ga­­gawa dahil hindi na ta­laga kaya ng bud­get namin ang mangu­pa­han.

3. Nag-a-apply ako sa abroad ngayon at sana bago kami lu­mipat sa mga biyenan ko ay makaalis na ako dahil sa totoo lang, may phobia na ako sa kanya dahil na­pakasungit talaga niya sa akin.

4. Ano ang nakikita ninyo sa guhit ng aking mga palad, makapag-a-abroad na kaya ako nga­yong taong at may pag-asa pa kayang umangat ang kabuhayan namin? Cons­truction worker ang mis­ter ko habang ako naman ay under graduate sa col­lege bilang guro at naka­pag-asawa nang biglaan noong mabuntis ako ng wala sa panahon.

KASAGUTAN

1. Kapansin-pansing sadyang lumawak at nagka­sanga nang mahabang Life Line (Drawing A. at B. L-L arrow a.) na ang sangang ito sa Life Line ay tinatawag ngang Travel Line (Dra­wing A. at B. t-t arrow b.) na makikita sa kaliwa at kanan mong palad.

2. Ito ay malinaw na tanda na sa malapit na hina­harap ay matutupad ang iyong inaasam-asam na ma­kapangibang-bansa. Gayun­man, hindi naman aabot ang nasabing pag-a-abroad upang hindi kayo magkita ng iyong biyenan dahil humigit-ku­mulang, ayon sa iyong Tra­vel Calendar, oo nga at nga­yong taon ka rin makapag-a-abroad, maaaring sa bu­wan pa ng Hunyo o kaya ay Hulyo, mauuna munang lumipat kayo sa bahay ng iyong mga biyenan bago ka makapangibang-bansa.

3. Ibig sabihin, obligado kang makisama at magbait-baitan muna habang naka­tira kayo sa biyenan mo upang hindi kayo mag­ka­samaan ng loob. Samantala, isipin at isaalang-alang mong kung sa Hunyo o Hulyo ka na nga makaaalis patu­ngong abroad, humigit-ku­mulang tatlo o apat na bu­wan ka na lang namang mag­titiis sa hindi mo maka­sundong bi­yenan mo at si­yempre, pag­lipas ng na­sa­bing panahon dahil mabilis namang lumi­lipas ang bawat araw nga­yon, ma­wawala na rin sa paningin mo ang iyong bi­yenan sa sandaling naka­pangi­bang-bansa ka na ng tuluyan.

DAPAT GAWIN

Habang, ayon sa iyong mga datos, An­gelou, tulad ng nasabi na ngayong 2019 sa buwan ng Hunyo o kaya ay Hulyo, may mabunga at ma­biya­yang pangingibang-bansang itatala sa iyong ka­ranasan at sa iyong pagba­balik galing abroad, tiyak ang magaga­nap dahil ma­pera ka na, mag­kaka­sundo na kayo ng biyenan mo at magiging ma­bait na siya sa iyo dahil tulad ng ina­asahan, makatu­tulong ka na kahit papaano sa ka­nila.