Alamin mula kay Maestro... KAPALARAN NG MGA IPINANGANAK SA YEAR OF THE HORSE

Maestro Honorio Ong

SA pagkakataong ito, ang pangunahing kata­ngian at sadlakang kapa­la­ran ng animal sign na Kabayo o Horse ngayong 2019 ang ating tatalaka­yin.

Tandaang, ikaw ay mapa­bibilang sa Year of the Horse kung ikaw ay isinilang noong mga taong 1930, 1942, 1954, 1966, 1978, 1990, 2002 at 2014.

Ang Year of the Horse ay pinaghaharian ng implu­wensiya ng planetang Mer­cury at sa Western As­tro­­logy, ito ay kumakatawan sa zodiac sign na Gemini.

Sinasabing higit na mas tahimik, maunlad at mali­gaya ang mga Kabayo na isinilang ngayong tag-araw kung ikukumpara sa mga Kabayo na isinilang sa pana­hon ng taglamig o kaya ay tag-ulan.

Ngunit, sa pangkalaha­tan, pinaniniwalaang dahil ang Ka­bayo ay takbo nang takbo at minsan ay nagla­lak­b­ay kung saan-saan, na­ta­ta­himik, nagiging “smooth” o panatag ang bu­hay ng Ka­bayo pagtun­tong nila sa middle age.

Kaya kung ikaw ay Ka­bayo at napapansin mong ang buhay mo ay medyo ma­­gulo, pabagu-bago, hindi mapirmi sa maayos at ma­sayang love life, isipin mo na lang na ganu’n talaga ang buhay o kapalarang itinakda sa iyo, pero siyempre, mana­lig ka pa rin na pagtuntong mo sa edad na 35 hang­gang 40, ‘yung medyo ma­gulo o hindi tahimik na kapa­larang ipinagkaloob sa iyo ng tad­hana ay unti-unti nang mag­babago kung saan lili­naw na ang dating malabong tubig sa batis hanggang sa nagma-matured ka na may kaakibat na maraming su­werte, ta­gum­pay at maga­gan­­dang kapalaran na kusang ipag­kakaloob sa iyo ng langit.

Kaya para sa mga Ka­bayo, hindi mahalaga ang tumakbo nang tumakbo sa arena ng buhay, sa halip, ang higit na mas mahalaga ay ang matuto kang maghintay at ma­kuntento sa mga pangya­yari at sitwasyong ipinagka­kaloob sa iyo ng tadhana. Oo, dapat makuntento at maging kampante ka lang habang nasasagupa mo ang mga buhul-buhol na karana­sang ito.

Dagdag pa rito, si­nasa­bing ilan sa mga pangunahing hindi ma­pasusubaliang ka­ta­ngian ng Kabayo ay ang pagi­ging masa­ya­hin, ma­laya, gala nang gala, hindi lamang ang pisikal na ka­tawan kundi pati na rin ang isipan.

Ang totoo pa nga rito, dahil ganu’n ang isa sa mga pangunahing ka­tangian ng Kabayo, sa san­da­ling ginusto o nakur­suna­dahan talaga nila ang parti­kular na ba­gay, wa­lang duda, ma­kukuha niya ito nang bonggang-bongga.

Ang problema la­mang sa katangian ng Ka­bayo, kung minsan ay wala naman talaga siyang gusto, kum­baga, naghaha­ngad lamang siya ng kalaya­an, lakwatsa at gala. Dahil dito, kadalasan ay napababa­yaan nila ang tunay at dapat niyang i-prio­rity sa buhay.

Ang nakapagtataka pa sa Kabayo kahit hindi siya na­ka­­kulong, pero gustung-gusto niyang makawala o gumala-gala, kaya naman ga­nundin ang kadalasang na­giging takbo ng kanyang isi­pan, pangarap, career, love life at ambisyon sa buhay, hin­di kampante, hindi pana­tag, bagkus, kung saan-saan napupunta, kumbaga, sa na­nunungkit sa mataas na puno ng kamatsile, ‘yung layunin, ambisyon at love life ng Ka­bayo ay palaging nasasala­lak.

Ibig sabihin, nasungkit mo na iyong kamatsile, im­bes na mahulog at ma­sapo mo na kaagad, nasabit pa sa maliliit na sanga at dahon ang mga ito, kaya hindi tu­loy mahulug-hulog sa lupa upang tuluyan mong masa­po at maibulsa.

Kaya sinasabing kung matututunan lamang ng Ka­bayo na mag-concentrate sa iisang bagay o kaya ay kung mapipigil niya ang kanyang isipan na sumuot kung saan-saan at itututok o itutuon niya ang kanyang sarili sa iisang solidong ambisyon, walang duda, ang Kabayo ay magkakaroon ng matagum­pay at maligayang pamumu­hay.

(Itutuloy)