Sey ng experts... PAGBIBILANG NG ISA HANGGANG SAMPU, KERING MAKAPAGPAPAPAYAT!

Jersey Sanchez / Gulat ka 'noh?!

MARAMI sa atin ang may ‘rit­wal’ bago tulu­yang gawin ang parti­kular na bagay — halimbawa nito ang pagdarasal bago kumain bilang pa­sasala­mat sa mga biyaya. Pero, sa pag-aaral, may bagong natuklasan ang mga eks­perto kung saan ang pag­pikit at ma­bagal na pag­bibi­lang mula isa hang­gang sampu ay na­katu­tu­long uma­no sa pagpa­pa­payat?

Weh, totoo ba ‘yun?

Sa pag-aaral na nai-published sa Journal of Per­sonality and Social Psycho­logy, ang simpleng ritwal bago kumain ay nakatutu­long upang maging cons­cious at may disiplina ang indibidwal sa pagkain.

Ang pag-aaral ay pina­ngu­nahan ni Allen Ding Tian, assistant professor sa Shanghai University of Fi­nance and Economics.

Isinagawa ang pag-aaral ng 6 rounds ng assessment sa 1,800 kalahok.

Sa pag-aaral, hinati sa dalawang grupo ang mga kalahok at inatasan ang unang grupo na gumawa ng ‘ritwal’ bago kumain. Ha­limbawa nito ang pagkatok sa lamesa, pagpikit at ma­bagal na pagbibilang mula isa hanggang sampu.

Gayunman, ang ikala­wang grupo ay inatasang i-monitor ang kanilang calo­ries at nutritional value ng pagkaing kinokonsumo nila.

Napag-alaman ng mga researcher na ang grupong nagsagawa ng nasabing rit­wal bago kumain ay nag­kon­sumo ng mas kaunting calories kumpara sa ikala­wang grupo.

Dahil dito, ayon sa mga researcher, kung kaunti ang calories na makokonsumo ng indibidwal, maiiwasan nila ang pagkakaroon ng ka­ragda­gang timbang.

Samantala, ang resul­tang nabanggit sa pag-aaral ay naihalintulad ng mga eks­perto sa isa pang pag-aaral na may kaugnayan sa physi­cal at psychological tempta­tion.

Sa pag-aaral na ito, ang mga kalahok ay nag-eva­luate ng kanilang kagustu­hang magkansela ng party para mag-volunteer sa wel­fare project.

Lumabas sa pag-aaral na ang mga kala­hok na may­roong ‘ritwal’ bago mag­desisyon ay pini­ling mag-volunteer sa nasa­bing pro­ject.

Dahil dito, napatunayan ng mga researcher na ang pagkakaroon ng ritwal ay hin­di lamang nakatutulong sa pagbabawas ng timbang, gayundin sa pagkokonsi­dera sa iba pang mga bagay bago tuluyang magdesis­yon.

Ayon sa mga researcher, ang pangyayaring ito ay mula sa region ng utak na responsable sa disiplina sa sarili at stamina kung saan ang mga ito ay maaaring ma-stimulate kapag nagsa­gawa ng ritwal ang indibid­wal.

Gayundin, ang pag-uulit ng nasabing kaugalian ay nagti-trigger sa utak para mag-adjust ito sa bagong pat­terns at mag-alter sa eating behavior.

Ayon sa mga eksperto, ang mga resulta ng pag-aaral ay nagsasabing, kayang ti­isin ng indibidwal ang temp­tasyon sa pamamagitan ng ritwal bago ku­main.

Gayundin, ang resultang ito ay hindi lamang maa­aring i-apply sa pagkain kun­di maging sa decision-making din.

Akalain mo nga naman, ang simpleng ‘ritwal’ na ito ay epektibong pampapayat. Kaya para sa mga beshy natin diyan na gustong sa­nayin ang pagkokontrol sa sarili, try n’yo na ito, mga beshy!

Basta bago kayo kuma­in, pumikit at bumilang lang muna kayo. He-he-he!

Copy?