5K ATHLETE, SASABAK SA PSC LUZON QUALIFYING NG BATANG PINOY

TINATAYANG aabot sa 5,000 athletes mula 120 local government units ang inaasahang sasabak sa Luzon qualifying leg ng Philippine Sports Com­mis­sion-Batang Pinoy.

Ngayong araw ang opening ceremony ng na­sabing event sa Ilagan City, Isabela.

“We are ready, and at the same time excited to welcome the athletes for the much awaited Batang Pinoy Luzon qualifying leg here in Ilagan City,” saad ni General Services Office Chief Ricky Lag­gui.

Sinabi ni Batang Pinoy National Secretariat Head Reina Evangelista na ibi­bigay lahat ng PSC wor­king committees ang ka­nilang suporta upang ma­pangalagaan ang mara­ming delegation mula sa tatlong qualifiers.

Makikipagtagisan sa PSC’s grassroots sporting event ang mga in-school and out-of-school children na may edad 15 pababa, magtatapos ang labanan sa Marso 23, inorganisa ito ng Philippine Sports Com­mission sa pangunguna ni chairman William “Butch” Ramirez.

Si Laggui ang kina­tawan ng Ilagan City sa signing ng Batang Pinoy Memorandum-of-Agree­ment kasama sina City In­formation Officer Paul Bacungan, Sangguniang Kabataan Federation pre­sident Nicole Balingao. (ATD)