Pahiwatig na huwag matakot sa mga biyayang ipagkakaloob ng langit

Socrates Magnus

Salaminin natin ang pa­naginip ni Diane ng Diane_Diane@facebook. com

Dear Professor,

Gusto kong malaman kung ano ang ibig sabihin ng panaginip ko? Ang dami raw lumilipad na ibon, puro ito puti at ma­lalaki.

Bumaba sila lahat dito sa lupa at talagang ma­lalaki sila na parang agila ang hitsura. Hindi ko mas­yadong maintindihan ang panaginip ko, pero tungkol din ito sa Panginoong Di­yos.

Parang may men­sahe din at naputol na siya.

Ano ang ibig sabihin nito? Maraming salamat!

Naghihintay,

Diane

Sa iyo Diane,

Sinasabing sa langit, ang mga anghel ay masasayang nag-aawitan kapag si God ay may ibinalita sa kanila tung­kol sa mga taong pagpapa­lain na tatawaging mga pi­nagpala.

Dahil ang mga anghel ay tagapagbalita o mensahero na inuutusan ni God, ang mga ito naman ang mag­babalita sa mga tao tungkol sa ibinalita sa kanila ni God.

Pero, hindi madaling ma­isasagawa ng mga anghel ang nakaatang na misyon sa kanila ni God dahil alam nila na ang mga tao ay sobrang mapamahiin, kumbaga, ang tao ay sobrang relihiyoso na ang mga tungkol sa relihiyon ay tinatrato nila na parang milagro. Kumbaga, nawa­wala na ang simpleng ka­to­tohanan dahil nahahaluan ito ng kung anu-anong panini­wala.

Tulad ng mga taong na­naginip ng mga banal na ni­lalang — anghel, Mama Mary, Sto. Niño at iba pa na aakalain nila na ang mensa­he ay tungkol sa pangrelihiyong bagay, kaya dumami lalo sa panahon ngayon ang mga taong akala nila ay sinapian na sila ng anghel, ni Mama Mary, Sto. Niño at iba pa.

Ang marami sa kanila ay nanggagamot at hindi lang pangkaraniwang mga sakit ang ginagamot nila dahil ma­ging ang kanser na malala ay pinagagaling nila. Marami din sa kanila ay makikitang nakalimutan na ang normal na buhay sa mundo dahil wala na silang ginawa kundi ang magdasal.

Dahil sa katotohanang ito, ang mga anghel para ma­kaiwas sa maling pagtingin sa kanila ay madalas din si­lang nagpapakita sa panagi­nip sa pamamagitan ng mga ibon, dahon, mapuputing ulap at iba pa na sinisimbolo rin na mga tagapagbalita.

Sa ganitong katotohanan, ang napanaginipan mong maraming ibon ay nagsasa­bing ikaw ay kabilang sa mga pinagpala, kumbaga, duma­ting na ang oras na ang “bles­sing of the Lord shall be with you”.

Pero, saang aspeto ng bu­hay mo ang biyaya? Ito ay sa malalaking ambisyon mo dahil ang malalaking ambisy­on ay sinisimbolo ng agila na mataas lumipad. Kaya ang iyong ambisyon, aminin mo man o hindi ay mataas o ma­tayog, pero kahit ang mga ito ay sobrang ma­tatayog, ibinabalita sa iyo ng langit na huwag kang mata­kot sa mga biyayang ipagka­kaloob sa iyo ng langit.

Hanggang sa muli,

Professor Seigusmundo del Mundo