Pugante tepok sa shootout
- Pabs Hernandez III
- Mar 15, 2019
- 1 min read
DAVAO CITY—Isang pugante ang napatay nang manlaban at makipagbarilan sa mga awtoridad, kamakalawa sa kanyang hideout sa Bgy. Tigatto sa lungsod na ito.
Ang suspek ay nakilalang si Rogelio Capistrano, residente ng Bgy. Panacan sa nasabing lungsod.
Ayon sa ulat, mula nang makatakas sa Davao Prison and Penal Farm si Capistrano na may kasong murder ay luminya na ito sa pagbebenta ng droga at nang magsagawa ng buy-bust operation ang mga awtoridad ay bigla umanong pinagbabaril ng suspek ang mga operatiba.
Kaagad namang gumanti ng putok ang mga awtoridad kaya napatay ang suspek.
Comments