12 PLAYERS NG VOLCANOES, SASABAK SA WORLD RUGBY

LABING-WALONG disipulo ng Philippine rugby na lang ang nalalabi sa talaan ng volcanoes na puwedeng sandalan ng bansa sa pag­sabak nito sa World Rugby Sevens Series Qualifiers 2019 ngayong Abril 5 hang­gang 7 sa National Stadium ng Hong Kong.

Sa patuloy na pagbaba­la­sa ng pamunuan ng Philip­pine Rugby Footbal Union sa national team, nanana­ti­ling may tsansang makapag­suot ng national colors sina Christopher Arpon Bird, Da­niel Bembo Matthews, Do­nald Canon Coleman, Edlen Cortez Hernandez, Evan Santillan Spargo, Jaime Se­bastian Antonio Chuidian, Jerome Padillo Rudder, Joe Palabay Dawson, Jonico Ater Hardwick, Justin Villa­zor Coveney, Mark Mapac­pac Roberts, Patrice Ortiz Olivier, Robert Luceno Fogerty, Ryan Reyes Howe, Tim Alonso Berry, Timo­thy Bweheni, Tommy Kalaw Gilbert at Vincent Amar Young.

Magkakaroon pa ng karagdagang pagsasala sina coach Frano Botica at David Johnston hanggang sa bu­maba ang final line-up sa isang dosena.

Taong 2013 pa nang huling mag-qualify ang mga Volcanoes sa prestihiyosong paligsahan. Matatandaang, naka­pasok sa torneo ang Pilipinas matapos na magtagumpay ito sa pagkuha ng isang upu­an sa podium sa kauna-una­hang pagkakataon noong 2018 sa tulong ng pagpapa­dapa sa Sri Lanka, 19 - 7, sa huling laro ng Volcanoes sa huling yugto ng Asian Se­vens Rugby Series sa Race­course Stadium ng Colom­bo, Sri Lanka.

Ang panalo ay nagsil­bing pagresbak ng bansa sa Sri Lanka matapos itong masingitan ng Tuskers sa Hongkong leg ng seryeng bukas lang sa walong pina­kamalulupit na bansa sa buong Asya sa larangan ng rugby.