CAPELA, BUMIDA SA ROCKETS FANS, INAWAY NI WESTBROOK

NAPAGSALITAAN nang hindi maganda ni Russell Westbrook ang isang babaeng fan at kasama nitong lalaki nang magkainitan ang laro sa pagitan ng Oklahoma City Thunder laban sa Utah Jazz sa NBA game kahapon.

Ang komprontasyon sa pagitan ni Westbrook at Jazz fans ay nakunan ng video at kumalat na sa social media. “I swear to God. I will f*ck you up, you and your wife. I will f*ck you up,” mainit na ulong sabi ni Westbrook sa fan.

Hindi naman malinaw sa video kung ano ang sinabi ng fan ng Jazz na ikinagalit nang husto ni Westbrook, pero ayon sa player narinig niyang iniinsulto ang kanyang lahi. Hindi naman namultahan si Westbrook ng game officials nang magwagi ang Thunder team niya, 98-89 sa harap ng may 18,300 na mga manonood sa Vivint Smart Home Arena.

Tumapos si Westbrook ng triple double, 23 points, 11 rebounds at 8 assists. Nag-isyu si Westbrook ng statement matapos ang game sa reporter at hindi na ito sumagot pa sa mga sumunod na mga tanong ng media.

“The young man and his wife in the stands told me to get down on my knees like you used to,” saad ni Westbrook. “And for me that is completely disrespectful. I think it is racial. It is inappropriate.

“There are people that come to the games to say mean disrespectful things about me and my family. For many years I have done all the right things and never done anything to hurt or harm anybody. Never been in any trouble. Never fought a fan.”

Ang insidente ay pareho lamang sa iba pang mga ikinaasar na tagpo ni Westbrook sa final ng nakaraang first round playoff series niya sa Utah. “Here in Utah, man, a lot of disrespectful, vulgar things are said to the players here with these fans,” saad ni Westbrook. “It’s truly disrespectful. Talk about your families, your kids.”

Sa iba pang laban, dinomina naman ni Clint Capela ang laro para sa Houston Rockets at pinalawig pa ang winning streak sa 9 na laro sa bisa ng 118-106 victory laban sa bisitang Charlotte Hornets. Nakagawa si Capela ng 19 points, 15 rebounds at kinontrol na ang laro para sa Rockets kontra Hornets. Nakatulong din sa laro si Kemba Walker. (MC)