ANCAJAS AT ELORDE GRANDSONS, BOXER OF THE YEAR AT BIDA SA TOPS

PANGUNAHING tatalakayin ang Gabriel “Flash” Elorde Awards Night para sa paggunita ng 84th birthday ng Filipino boxing legend ang WBC Ultimate Muaythai Challenge sa 14th “Usapang Sports” ng Tabloids Organization in Philippine Sports (TOPS) bukas, Marso 14 sa National Press Club sa Intramuros.

Si IBF superflyweight champion Jerwin Ancajas, ang pararangalan bilang “Boxer of the Year” sa prestihiyosong awards night sa Marso 25 sa Okada Manila ang tampok sa weekly sports session.

Kasama ni Ancajas sina Liza Elorde at mister na si Johnny, na babanggitin ang hinggil sa annual awards night at ang “Boxing Kontra Droga” boxing promotion.

Kasama rin ang dalawang apo ng Elorde na sina WBO Asia-Pacific junior featherweight champion Juan Miguel “Mig” Elorde, na dedepensa ng titulo kontra Shohei Kawashima ng Japan at Juan Martin “Bai” Elorde, na magbabalik nang matalo kay WBO As-Pac crown sa Russia.

Magsasalita rin si UMC organizer Donny Elvina at WBC Muaythai Philippine representative Erwin Tagle hinggil sa much-awaited muay thai competitions sa Marso 27 sa Metrowalk, Pasig City.

Ang forum ay live sa Facebook via Glitter Livestream ni CBA organizer actor-director Carlo Maceda.

Samantala, ang tagumpay ng National University-Nazareth School sa UAAP Season 81 junior basketball tournament ang magbubukas ng bagong oportunidad kay coach Goldwin Monteverde matapos ang kanyang brilyong strategy na siyang may malaking kredito sa pagiging top-caliber ngayon ng NU team at sang-ayon siya sa challenge.