Itatambal daw kay Alden, AlDub Nation… KYLINE, PALIT SA TRONO NI MAINE SA SIYETE

Nene Riego / KATSIKA

KINAIINGGITAN ngayon ng ibang Kapuso female stars si Kyline Alcantara na magaling umarte, ku­manta at sumayaw pero ‘di outstanding ang byuti.

Bida ngayon si Kyline sa Inagaw na Bituin at regular sa Studio 7. Sa limang Linggo naman ng Marso ay sila ni Jeric Gonzales ang tampok sa Daig Kayo ng Lola Ko. Nag-guest din siya sa The Boobay and Tekla Show.

Mantakin mo ‘yun… sa four programs a week ay napanood siya ng publiko?

“Malakas siguro sa management ang manager niya,” parunggit ng ilang inggitera.

Nang tanungin namin ang isang top executive ng Siyete kung bakit tila nga meron silang special treatment sa dalaga, ito ang isinagot niya, “Marami siyang fans and followers. They are the ones requesting na i-feature si Kyline sa mga programa.”

Malinaw ‘yan, ha? ‘Di “apple of the eye” ng Kapuso Entertainment si Ky.

Puwede pa ngang sabihin na siya ang kapalit sa trono ni Maine Mendoza na tulad niya’y mga tagahanga rin ang nagtulak paakyat ng success ladder.

‘Di kami magtataka kung one of these days ay itambal si Ky kay Pambansang Bae Alden Richards as her fans request.

What can the Aldenatics say? Accept na lang nilang Maine is for Arjo Atayde… bow!