Alamin mula kay Maestro... PAGSUBOK AT MGA SULIRANING KAHAHARAPIN NG MGA AHAS

Maestro Honorio Ong

SINASABING dahil likas na matalino, hindi basta-basta natatalo ng mga pagsubok at mga suliranin ang Ahas.

Sa halip, kadalasan pa nga ay nagagawa nilang iwa­nan at balewalain na lamang ang mga problemang duma­rating. Subalit, kapag nag­seryoso, kahit gaano pa ka­hirap at kabigat ang mga prob­lema ay kayang-kaya nila itong solusyunan, kaya sinasabi ring wala kang ma­kikitang Ahas na sobrang bi­gumbigo sa buhay dahil sa totoo lang, tulad ng paulit-ulit na nasabi na, kahit na ibaon mo sa problema at mga suliranin ang Ahas, kung gugustuhin talaga nila, ma­dali at kayang-kaya talaga nilang makaahon, agad-agad.

Sabi nga, sa aklat na Chinese Elemental Astrology ni E. A. Crawford etal, “The Chinese believe that the Snake is one sign who must, by hook or by crook, resolve any Karmic problems within the span of his lifetime.” Ibig sabihin, kahit kulungin mo pa sa rehas ng mabibigat at nakatakdang mga problema at suliranin ang Ahas, tiyak na babaluktutin lang niya ang rehas ng mga problema, ha­hak­bang siyang palayo sa selda, parang walang nang­yari at muling magiging ma­laya at maligaya.

Sa sining, career at pro­pe­syon, sinasabing may ka­kayahan ding makalikha ang Ahas ng masterpiece na kan­yang nililok o ginawa na ba­gama’t, hindi “a-appeal” sa pangkaraniwang tao, sa mun­do naman ng mga supis­tika­dong tao na may malalim na kaisipan at mundo ng mga matatalino ay tunay ngang ha­hangaan at pararangalan ang mga likhang sining ng Ahas dahil siya ay mayroong sobrang lalim na panlasa sa sining at kultura. Dagdag pa rito, dahil may kakaibang magnetismo at pang-akit na kinumbinasyon pa nang mabilis na Ahas, bagay na bagay sa kanya ang mga pro­pesyong may kaugnayan sa politika, artista at religious leader.

Sa pag-ibig at pakikipag­re­lasyon, tugmang-tugma sa pagkatao ng Ahas ang kasa­bihing “kapag tahimik ang dagat tiyak na ito ay mala­lim.” Oo, sobrang lalim talaga ang pagkatao ng Ahas, pilit ni­yang itinatago ang kanyang damdamin. Kadalasan ay nag­­kukunwari siyang “okay lang”, pero ang totoo “ay hin­di siya okay.” Sa pag-ibig ay ga­nundin, hindi niya ipa­ha­halata na gusto ka niya, pero ang totoo, patay na pa­tay siya sa iyo!

Kung minsan naman, hin­di niya nae-express ang kanyang sarili sa natural na paraan dahil kapag umiibig siya at nagmamahal, pina­plano pa niya ito bago i-exe­cute o ipatupad ang kanyang diskarte.

Wala sa kanya ‘yung salitang “act naturally” ka­pag siya ay umiibig at nag­ma­­ma­hal. Subalit, kung ma­ga­gawa lamang niya ang na­sa­bing diskarteng, “kumilos ka lang nang natural” makara­ramdam siya ng mas masa­rap at malasang kaligayahan na dulot ng tu­nay at dalisay na pag-ibig.

Dahil sa ugaling ito ng Ahas, hindi siya “showy” sa eksaktong salita, napala­lagpas tuloy niya ang masa­sarap na karanasan sa pag-ibig na dapat sana ay tinata­masa niya sa kasalukuyan kung saan halos baligtad sila ng ugali ng Aso na kapag “umibig at nagmahal, sagad sa buto na ini-express at di­narama talaga niya ito”.

Pero, ang ikinaganda na­man sa Ahas, sa sandaling nahulog na ang loob niya sa iyo at tuluyan na siyang nai-in love dahil hindi na niya ma­gagawang itago pa ang kanyang damdamin at sa sandaling itong lumalabas ang pagiging sensuwal at ma­lambing ng Ahas. Kaya na­man kung tutuusing ma­buti, masarap din siyang ma­ging boyfriend, girlfriend o mapa­ngasawa dahil may ka­kaya­han din siyang i-express nang todo-todo ang pagna­nasa niya sa iyo, sa mas ma­lam­bing, mainit at masarap na paraan.

Makabubuo ng mea­ning­ful at masayang relasyon ang Ahas at Dragon, ganun­din ang Tandang at Baka ay tugmang-tugma rin sa Ahas.

Magiging maayos din at tugma ang relasyong Ahas, Kuneho at Kambing o Tupa kung saan makabubuo rin sila ng maligaya, maunlad at panghabambuhay na pa­milya.

(Itutuloy)