VETERAN VALDEZ AT ESPEJO, UNA SA PHL VOLLEYBALL SEAG POOL

NANGUNGUNA sa listahan si Alyssa Valdez na magiging bahagi ng Philippine women’s national volleyball squad para sa ikawalong beses, ayon sa ginawang anun­siyo ng Larong Volleyball sa Pilipinas, Inc. para sa 2019 SEA Games na idaraos sa bansa sa Nobyembre.

Makakasama ni Valdez sina team captain Aby Maraño, veterans Aiza Maizo-Pontillas, Mika Reyes, magkapatid na sina Dindin Santiago-Manabat at Jaja Santiago, Majoy Baron, Denden Lazaro, Dawn Macan­dili, Jia Morado, Ces Molina, Mylene Paat, at MJ Phillips.

Nasa pool din sina first-timers Kath Arado, Tots Carlos, Angel Cayuna, Ced Domingo, Jema Galanza, Eya Laure, Jerrili Malabanan, Kalei Mau, at Alohi Robins-Hardy. Mula sa 22 miyembro ng training pool, 15 ang napili upang lumaban para sa bansa. Si coach Shaq Delos Santos ang hahawak ng team na suportado nina Brian Esquibel at Kung Fu Reyes.

Target ng lady spikers na hamunin ang 11-time defending champions Thailand at umaasang aangat mula sa fourth-place finish noong 2017 Kuala Lumpur games. Huling pinagwagian ng Pilipinas ang gold medal noong 1993 edition sa Singapore nang talunin ang Thailand.

Samantala, sa men’s squad, mangunguna si captain Johnvic de Guzman sa 20-man pool kasama sina Marck Espejo, Ranran Adbilla, Mark Alfafara, Bryan Bagunas, Kim Dayan­dante, Joven dela Vega, at Rex Intal. Kasama rin sa team sina Fauzi Ismail, Jack Kalingking, Jessie Lopez, Jeffrey Malabanan, Kim Mala­bunga, Rikko Marmeto, Ricky Marcos, Ish Polvorosa, Francis Saura, Jayvee Sumagaysay, Peter Torres, at Joshua Umandal. Ang squad ay iko-coach ni Dante Alinsu­nurin na aagapayan nina Ariel Dela Cruz at Sherwin Meneses. Pakay nilang pag-ibayuhin ang back-to-back sixth-place finishes noong 2015 at 17 editions. Ang volleyball events ay magsisimula sa Nob. 28 at wala pang venue. (MC)