Ex-convict todas sa gunman

QUEZON—Isang ex-convict ang napatay nang barilin ng isang hindi kilalang armadong salarin, kamakalawa sa Bgy. Mangilag Sur, Candelaria sa lalawigang ito.

Ang biktima ay kinilalang si Rodel Comia, nakatira sa naturang bayan.

Ayon sa ulat, naglalakad si Comia nang biglang sumulpot ang suspek at agad pinagbabaril hanggang sa mapatay ang biktima.

Nabatid na si Comia ay isang buwan pa lamang nakalalaya kaugnay sa kinasasangkutan nitong kaso na may kaugnayan sa droga.