Traffic enforcer dedo sa riding-in-tandem
- Pabs Hernandez III
- Mar 7, 2019
- 1 min read
SOUTH COTABATO—Isang traffic enforcer ang napatay nang barilin ng riding-in-tandem, kamakalawa sa Bgy. Lanao, Kidapawan City sa lalawigang ito.
Kinilala ang biktima na si Jefrey Atud, traffic enforcer ng Traffic Management Unit (TMU) ng nasabing lungsod.
Ayon sa ulat, habang nagmamando ng trapiko si Atud ay nilapitan ito ng dalawang hindi kilalang suspek na nakasakay sa motorsiklo at agad pinagbabaril hanggang sa mapatay ang biktima.
Iniimbestigahan na ng mga awtoridad ang motibo ng mga suspek sa pamamaslang sa biktima.
Comments