Magsasaka tinodas ng katoma

CATANDUANES—Isang magsasaka ang napatay nang tagain ng kanyang kainuman, kamakalawa sa Bgy. Buhi, San Miguel sa lalawigang ito.

Ang biktima ay nakilalang si Edgar Buates, nakatira sa nasabing barangay, samantalang, ang suspek ay si Norberto Bermas, residente ng Rapu-Rapu, Albay.

Ayon sa ulat, nang malasing sa inuman ay nagpasya si Buates na umuwi na, pero sinundan ito ng kainuman niyang si Bermas at sa hindi malamang dahilan ay pinagtataga ng suspek ang biktima.

Nagpalabas na ng manhunt operation ang mga awtoridad para madakip ang suspek.