Malinaw ayon sa birthday... LALAKING NAKATAKDANG MAKAPAG-ABROAD NGAYONG TAON

Maestro Honorio Ong

Dear Maestro,

Nakapagtapos ako ng Marine Transportation at naisipan kong sumangguni sa inyo upang malaman ang kahulugan ng birth­day ko na March 29, 1991.

Sa ngayon ay nagte-training na ako para ma­ka­sampa sa barko. Ang problema, matagal na akong nag-a-apply sa barko, pero hanggang nga­yon ay hindi pa rin ako na­kasasampa, samanta­lang, kung anu-anong training na ang ipinagawa sa akin ng mga agency na ina-apply-an ko.

Kailan ba gaganda ang career ko at ano ang dapat kong gawin upang maka­sampa ako sa barko at ma­tupad na ang pangarap kong maging seaman?

Sana, Maestro, matu­lu­ngan ninyo ako, minsan kasi, parang nawawalan na ako ng pag-asa, ‘yung ibang mga batchmate ko ay na­ka­alis na, ako na lang ang na­iwan dito sa Pili­pinas.

Umaasa,

Marlon ng Del Carmen, Floridablanca, Pampanga

Dear Marlon,

Alam mo, ang mga ta­ong may birth date na 29 o 2 (2+9=11/ 1+1=2) tulad mo ay nabibilang sa tinatawag na “weak number”. Ibig sa­bihin, posibleng nagtataglay ka rin ng “weak perso­na­lity”, kaya naman sa sarili mong diskarte at pagsisi­kap, malabo kang makatag­po ng magandang career at mag­ta­gumpay dahil “weak num­ber” ang birth date mong 2.

Samantala, upang ang “weak number” ay suwer­tehin hindi lang sa career kundi sa lahat ng aspeto ng kanyang buhay, ang kaila­ngan niya ay “kasangga, ka­tulong, alalay, tagabuyo at puwede rin nating sabihing “padrino”, lalo na kung pag-a-apply sa trabaho ang gina­gawa mo sa kasalukuyan.

Ang “padrino” ay tinata­wag ding “backer” o “taga-lakad” para mas madali kang matanggap sa mga ina-ap­ply-an mong trabaho, local man ito o sa ibang bansa.

Kaya sa susunod, bago ka mag-apply ng trabaho, mas maganda kung magha­ha­­nap ka muna ng taong tu­tu­long sa iyo na nagtataglay ng “strong number” — sila ang mga indibidwal na may mga birth date na 1, 10, 19, 28, 9, 18, 27, 8, 17 at 26 higit lalo kung sila ay isinilang sa zo­diac signs na Sagittarius, Leo o kaya ay kapwa mo Aries.

Samantala, ayon sa hu­gis ng iyong mukha na med­yo bilugan at porma ng iyong katawan na medyo mababa, isang lalaking balbas-sara­do o kaya naman ay may bigote o sabihin na nating ta­mad mag-ahit ng balbas at medyo kayumanggi ang ku­lay ng balat ang tutulong sa iyo.

Dagdag pa rito, ang la­laking ito ay may maitim at matigas na hilatsa ng buhok.

Kaya kapag nakakita ka ng ganyang kaibigan o ka­kilala, siya ang lapitan mo, siguradong siya ang tutu­long sa iyo upang mas ma­dali kang matanggap sa bar­ko o agency na ina-apply-an mo at kasabay nito, ma­dali mo na ring masusung­kit ang iyong mga ambisyon at pangarap sa buhay.

Pagkatapos, kapag na­ka­kita ka na ng “backer” o sabihin na nating aayu­da o susundot sa ginawa mong mga pag-a-apply, pa­lagi kang magsuot ng kulay na tugma sa kapalaran mo.

Ang mga kulay na tug­ma sa kapalaran mo ay ang pula, para sa zodiac sign mong Aries, ber­de at itim para sa birth date mong 2 o 29 at ang dilaw ay para sa destiny number mong seven (7) kung saan naging 7 ang destiny number mo dahil 3+29+1991=2023/ 20+23=43/ 4+3=7).

Sa sandaling nagawa mo ang mga simpleng reko­men­dasyong binanggit na sa itaas, tiyak ang magaga­nap ngayong 2019, sa bu­wan ng Agosto hanggang Disyembre, sa edad mong 28 hanggang 29 pataas, ma­kasasakay ka na sa barko, ma­kapag-a-abroad hang­gang sa maging ganap na seaman at tuluy-tuloy na ring uunlad at lalo pang a­asenso nang aasenso ang in­yong kabuhayan sa taong 2023, sa edad mong 32 pa­taas.