Magsasaka tepok sa mag-ama

CAGAYAN—Isang magsasaka ang namatay nang pagtulungang gulpihin ng mag-amang kanyang nakaalitan, kamakalawa sa Bgy. Aridowen, Sta. Teresita sa lalawigang ito.

Kinilala ang biktima na si Rufino Corpuz, 53-anyos, samantalang, ang mag-amang suspek ay sina Herminio, 57-anyos at Nelson Bilag, 38, pawang residente sa nasabing lugar.

Ayon sa ulat, nagkaroon ng pagtatalo si Corpuz at mag-amang Bilag kaya pinagtulu­ngang gulphin ng mga suspek ang biktima na naging dahilan ng kamatayan nito.

Kaagad nadakip ng mga nagrespondeng awtoridad si Nelson, samantalang, pinagha­hanap pa ng pulisya si Herminio.