Dating senador, nakulong dahil sa pandarambong... SIGAW NI BONG: MGA MAGNANAKAW NA PULITIKO, PATAYIN

Ador Saluta / ADORE ME!

SA isang panayam kaugnay ng kan­yang pangangam­panya sa darating na halalan sa May 13, 2019, ini­hayag ng senatoriable na si Ramon “Bong” Revilla, Jr. na pabor siyang mapan ng kama­ta­yan o death penalty ang mga pulitikong napatunayang nagkasala sa kasong plunder o pagnanakaw.

Sey ng dating senador, “Dapat lang, ‘no? Dapat, para matigil ‘yang ganyang plunder…” nang makapanayam ng mga reporters nu’ng Lunes (March 4).

Buwelta pa ng actor-politician, “At dapat pan din… kumbaga, kasuhan din ng kamatayan ‘yung mga taong false accusers, ‘di ba?

“Ako, pabor ako diyan, para matigil lahat ‘yan, kasi masama rin ‘yung nambi­bintang ka rin nang ‘di totoo, ‘di ba?

“So, ‘yung mga nagpa-plunder, ‘yung mga nagnanakaw talaga sa bayan, dapat kung kinakailangang pan ng kamatayan para matigil na ‘yan… ganu’n, ganu’n lang kasimple.”

Muling idiniin ni Bong na dapat mapa­tawan din ng parusang kamatayan ang mga napatunayang nag-akusa nang mali.

“Eh, papa’no naman ‘yung katulad ko, ‘di ba, na napan ako not guilty, so papa’no naman ‘yung nangyari sa buhay ko?

“Gaano ako katagal ikinulong, wina­sak ang buhay ng pamilya ko, ‘di ba?” pahayag pa ng senatoriable.

Nasangkot ang pangalan ni Bong sa Priority Development Assistance Fund (PDAF) o pork barrel scam noong 2013.

Inakusahan siya ng diumano’y pagbubulsa ng P224 milyong kickback mula sa negosyanteng si Janet Lim-Napoles, na lumikha umano ng bogus projects para maibulsa ang bilyun-bilyong halaga ng PDAF.

Si Napoles ang itinuturong mastermind ng pork barrel scam.

Na-detain si Bong sa Camp Crame simula 2014. Noong December 2018, ibinasura ng Sandiganbayan ang kasong plunder laban kay Bong, matapos ang apat na taong pagkaka-detain.

Pero nahaharap pa rin si Bong sa 16 graft charges hinggil sa pork barrel scam.

Bukod kay Bong, dalawa pang tuma­takbong senador ang nasangkot sa pork barrel scam — sina dating Senador Jinggoy Estrada at Juan Ponce Enrile.

September, 2017 nang payagan ng San­diganbayan 5th Division na makapag­piyansa ng P1 milyon para sa kasong plunder. Nakapagpiyansa rin si Enrile sa halagang P1 milyon.

Gayunpaman, nahaharap pa rin sina Estrada at Enrile sa kasong plunder.