SOUTH ALL-STARS, NAMAYANI, ANDERSON, BIDA SA MPBL GAMES

TINALO ng South All-Stars ang North All-Stars, 109-84, noong Linggo sa kauna-unahang MPBL All-Star Game sa Mall of Asia Arena.

Pinarangalan bilang Most Valuable Player ng laro si Jeff Viernes pagkaraang umiskor ng 19 points para sa South All-Stars na napanalunan ang P500,000 na premyo sa pagpanalo sa All-Star Game.

Gumawa ng 14 points si Viernes sa third quarter upang makalayo ang South All-Stars sa kanilang nakalaban. Bumuslo rin ng buzzer-beater si Gerald Anderson para sa South All-Stars sa pagtatapos ng 3rd quarter para makuha ang 79-64 na kalamangan sa pagtatapos ng fourth quarter.

Nag-ambag din ng 11 points at 10 rebounds si Gab Banal habang tig-11 points ang ginawa ni Reed Juntilla at Jaymo Eguilos. Nanalo sa three-point shootout ang dating PBA player na si Gary David. Nanalo ang manlalaro ng Bataan Risers sa kompetisyon matapos gumawa ng 23 points sa championship round.

Nanaig din ang kakampi ni David sa Bataan Risers na sina Byron Villarias at Pamboy Raymundo sa two-ball competition habang nanalo sa slam dunk contest si David Carlos ng Makati Super Crunch.

Sasabak ngayong araw sa Angeles University Founda­tion ang apat na teams ang hindi na nakapasok sa playoffs, pero lalaro pa ng may pride ang Pampanga kontra Marikina sa main game matapos ang laban ng Rizal at Basilan ng 7 p.m.