LAGUNA, DASMARIÑAS AT ZAMBOANGA, NAPAKAHUSAY SA NBL PRESEASON

NAGTAPOS nang may malinis na kartada ang Laguna, Dasmariñas, at Zamboanga sa National Basketball League pre­season na ginanap kama­ka­ilan sa Hagonoy Sports Com­plex sa Taguig City.

Tinalo ng Laguna Pis­tons ang defending cham­pion na Parañaque Aces, 87-82, para makopo ang 2-0 na kartada sa pre­season.

Gayundin ang ginawa ng Dasmariñas Ballers sa kanilang pagdaig kontra Taguig Generals, 76-74.

Nanalo ang Zambo­anga Valientes kontra Bu­lacan Starks, 80-59, sa kanilang kaisa-isang laro sa preseason.

Ginanap ang presea­son upang magsilbing paghahanda para sa ko­ponan sa parating na pa­ngalawang season ng NBL na magsisimula sa Sabado sa Sta. Rosa Multi-Purpose Complex sa Sta. Rosa, Laguna.

Nanguna si King Fad­riquela sa pag-iskor ng 22 points sa panalo ng Pistons kontra Aces sa preseason tournament.

Tinalo rin ng Pistons ang Pasig Rios, 85-67, sa preseason habang nanalo ang Ballers kontra sa Que­zon City Rising Stars, 81-72.