PhilHealth, malugod na sinalubong ang Universal Health Care Act

Bulgarific

HELLO, Bulgarians! Kamakailan lamang ay pinirmahan ni Pangulong Rodrigo Duterte ang Republic Act 11223 o An Act Instituting Universal Health Care for all Filipinos, Prescribing Reforms in the Health Care System and Appropriating Funds. Katuwang ng batas na ito ang Philippine Health Insurance Corporation (Phil­Health) kaya naman awtomatiko na ang lahat ng Pilipino ay miyembro ng Phil­Health.

Ang lahat ng mi­yembro ng PhilHealth ay kasali na rin sa National Health In­surance Program (NHIP). Ito ay maaa­ring direct contri­butors (employed o employer-employee relationship, self-earning, practicing professionals, migrant workers at lifetime members) o indirect contributors (indigent at senior citizens).

Ibinahagi rin ng PhilHealth na hindi lang ang health care ang magiging abot-kaya at libre, kasama rin sa budget ang pagsasaayos ng mga facility o ospital sa iba’t ibang lugar kasama ang mga lugar kung saan wala pang health center o ospital.

Bukod dito, ipinag­diriwang din ng PhilHealth ang kani­lang ika-24 taon sa temang “Tungo sa Kalusugan Para sa Lahat”. Dahil sa pa­tuloy na pagsuporta ng mga miyembro nito ay tinapos ng Phil­Health ang 2018 sa net income na P11.6 bilyon at ito ang best financial health so far. Kaya naman, patuloy pa rin ang pagbibigay ng magandang ser­bisyo ng PhilHealth, lalo na at aprubado na ang Universal Health Care Act.

Good news din para sa mga children with disability dahil ang latest addition sa Z Benefit Packages ay para sa kanila. Ito ay para sa mga batang may visual impairment, hearing disability, mobility impairment at de­velopmental disabi­lities.

Para sa iba pang katanungan, maa­aring bumisita sa kanilang social media platforms. “Muli po, sama-sama nating tiyakin na ang bawat Filipino ay miyembro, bawat miyembro ay protektado, kalusugan nating lahat sigurado,” sabi ni PhilHealth acting President and CEO Dr. Roy B. Ferrer.

♥♥♥

Mga katsika, abangan n’yo ang mga picture natin sa Instagram, i-follow n’yo ako -@missbulgarific o i-like ang aking Facebook page –https://www.facebook.com/Missbulgarific

♥♥♥

For event invitations, please, email bulgarific@gmail.com or message me on my Facebook page.

Got to go! It’s so Bulgarific!

xoxo