Alamin mula kay Señor... MGA PARAAN PARA GUMANDA ANG LOVE LIFE

Sr. Socrates Magnus II

Bigyang-daan natin ngayon ang email ni Lanna ng Lanna_Del_Rosario@ facebook.com

Dear Señor,

Itatanong ko lang kung ano ang mga da­­pat gawin para gu­manda ang love life ko?

Palagi na lang ka­biguan ang narara­nasan ko ngayon, kaya uma­asa ako na ma­sasagot ninyo ako nang sa ga­yun ay lumigaya na­man ang buhay ko.

Naghihintay,

Lanna

Sa iyo Lanna,

Kapag sinabing bigo, ibig sabihin, nagtangka pero, hindi niya nakuha ang kanyan gusto.

Kumbaga, umibig ka, pero nasaktan lang. Nag­mahal ka, pero hindi ka lumigaya.

Nagkaroon ng re­lasyon, pero nauwi lang sa wala. Sumaya ka, pero nalungkot din na­man.

Ang mga ganu’ng karanasan ay nanganga­ilangan ng pagsusuri sa sarili dahil ang mga pag­kakamali at pagku­k­u­lang ay malamang na nasa iyong sarili.

Normal lang na ang mga taong nabibigo ay lumalabis ang tiwala sa sarili, kaya sa huli ay nag­sisisi.

Narito ang ilang mga mahalagang bagay na dapat mong isabuhay:

1. Ugaliin mong maglinis ng bahay. Sa biglang tingin, walang kaugnayan ito sa love life, pero ang taong hin­di nakalilimot na mag­­linis ng kanyang silid ay hindi natatalo ng pangit na kapalaran, kumbaga, sa love life ay hindi rin siya papayag na masira ito nang dahil lang sa kan­yang mga pangit na ugali kaya siya mismo ang gagawa ng paraan para luminis o gumanda ito.

2. Magplano o pla­nuhin mo ang iyong bu­hay. Malabong mabigo ang taong may plano sa buhay, gayundin sa love life, ang nakasisira ay ang nagmamahal na wala namang plano sa hina­harap.

3. Mahalaga sa mga gamit ang may kani-kan­yang espasyo, kumbaga, ang bahay na magulo ang mga gamit ay hindi pinahahalagahan ang espasyo.

Sa love life, kaila­ngang may espasyo ang isa‘t isa dahil kapag wa­lang espasyo ang bawat isa, ang relasyon ay ma­a­aring mawasak.

4. Magsuot ka ng alahas, hindi naman im­portante kung mamaha­lin o hindi, ang maha­laga ay may suot kang alahas dahil ang taong may alahas ay makiki­tang pinahahalagahan niya ang kanyang re­lasyon.

5. Gamitin ang “po­wer of the moon”. Sa full moon, itapat ang date habang sa new moon ay sabihin ang salitang “forever”.

Good luck and God bless!