Negosyante tepok sa riding-in-tandem

COTABATO CITY—Isang negosyante ang namatay at sugatan naman ang kaibigan nito nang barilin sila ng riding-in-tandem, kamakalawa sa Bgy. Rosary Heights sa lungsod na ito.

Kinilala ang nasawi na si Rebonito Padlan, samantalang, ang sugatan ay si Joven Dapat, kapwa residente ng nasabing lungsod.

Ayon sa ulat, lulan ng Toyota Rav 4 sina Padlan at Dapat nang sumulpot ang dalawang hindi kilalang suspek na nakasakay sa motorsiklo at agad pinagbabaril ang mga biktima.

Dinala ng mga saksi ang mga biktima sa ospital, pero idineklarang dead-on-arrival si Padlan, samantalang, iniimbestigahan na ng pulisya ang motibo sa naganap na krimen.