Malinaw ayon sa palad... MISIS NA NAKATAKDANG UMUNLAD SA PAGNENEGOSYO NG MGA PANGANGAILANGAN SA ARAW

Maestro Honorio Ong

KATANUNGAN

1. May tindahan kami sa kasaluku­yan, ang ipi­nagtataka namin ay kung bakit kaya kahit anong pag­sisikap ang gawin na­ming mag-asawa ay parang kulang pa rin dahil palagi pa rin kaming kapos sa pera at may mga utang pa, ga­yung masipag na­man kami sa aming negos­yong tindahan na public market sa Gapan?

2. Kung magpapa­lit kami ng produkto o mag-iiba kami ng negosyo, ano sa pala­gay ninyo, may pag-asa pa kaya kaming makabangon sa utang at yumaman? Iba’t ibang uri ng damit ang kasalu­kuyan naming pa­ninda.

3. May pag-asa pa kaya kaming yuma­man, kung mayroon, kailan kaya ito mang­yayari? Anong kala­kal ang ba­gay sa aming mag-asa­wa? May 5, 1978 ang birthday ko at Decem­ber 31, 1974 naman ang birth­day ng mister ko.

KASAGUTAN

1. Sadyang compa­tible ang zodiac sign mong Taurus sa zodiac sign na Capricorn ng iyong mister sapagkat ang Taurus at Capri­corn ay kapwa pi­nag­haharian ng elemen­tong lupa. Ibig sabihin, kung matu­tunan ninyo ang sakto at tamang pa­nin­da, tiyak ang maga­ga­nap, maka­kamit din ninyo ang ma­sagana at maun­lad na pamumuhay kung saan puwede ninyong ipa­lit o idagdag na pro­dukto sa inyong kasalu­ku­yang paninda ay ang mga ka­lakal na may ka­ugnayan sa pagkain, gro­cery o kaya ay mga la­mang-butil at mga agri­cultural product, gayun­din, ang mga basic need o mga bagay na pang-araw-araw na ginagamit ng tao.

2. Sa ganyang para­an, sa tamang produkto at angkop na negosyo na babagay sa zodiac sign at birth date tulad ninyong mag-asawa, hindi pa huli ang lahat para makaahon kayo sa mga pagkaka­u­tang hang­gang sa tuluy-tuloy nang yumaman na madali namang kinum­pirma ng kapwa straight Head Line (Drawing A. at B. H-H arrow a.) sa kaliwa at kanan ninyong palad. Ibig sabihin, basta patu­loy kayong nagtinda at nagsikap sa bago at mas angkop na produkto, tu­lad ng nasabi na, darating din ang eksaktong pana­hong lalago at uunlad din ang inyong kabuhayan.

DAPAT GAWIN

Luzviminda, ayon sa inyong mga datos, tama ang naisip ninyo ni mis­ter, magbago kayo ng kalakal o produkto at sa mga pro­duktong na­bang­git na sa itaas, tiyak ang magaga­nap, nga­yong 2019, sa edad mong 41 pataas at 45 naman si mister, ma­kaaahon na kayo sa mga pagkaka­utang, unti-unti nang la­lago ang inyong ne­gosyo hanggang sa tu­­luyan na kayong yuma­man (N-N arrow b.) na magsisi­mu­lang maganap sa 2028, sa edad mong 50 pataas at 54 naman si mister.