Movie, iboboykot… NADINE, DAMAY SA GALIT NG FANS NI ANGELICA KAY CARLO
BAGAMA’T nagsalita na si Carlo Aquino sa kumalat na photo niya na may kasamang non-showbiz girl na sinasabing girlfriend niya, hindi kumbinsido ang mga fans nila ni Angelica Panganiban dahil hindi naman tahasang idinenay ng aktor ang relasyon nila ng girl.
Dahil dito, galit na galit kay Carlo ang ilang fans nila ni Angelica. Minumura nila ang aktor at sinasabihang user at makapal ang mukha dahil todo-paasa nga raw kay Angelica, ‘yun pala ay may ibang babae namang kinakarir off-cam.
Sana raw ay nagpakatotoo na lang si Carlo na inaming GF niya ang naturang girl na kasama sa picture at sinabing pang-camera lang talaga ang sweetness nila ni Angelica, hindi ‘yung pinaaasa pa ang CarGel fans na nagkabalikan na sila, ‘yun pala ay pinaikot lang ang aktres at ang mga fans.
At dahil may bagong pelikula si Carlo katambal si Nadine Lustre titled Ulan, pati ang proyekto ay nadadamay dahil binantaan din ng ilang fans na iboboykot nila ito.
‘Wag na raw umasa si Carlo na mauulit pa ang box office success ng pelikula niya with Angelica na Exes Baggage dahil hindi nila bet na si Nadine ang bagong leading lady ng aktor, bukod nga sa galit sila rito dahil sa panggagamit kay Angelica para muling sumikat.
Well, let’s see kapag nai-showing na ang Ulan kung tototohanin ng mga fans na hindi susuportahan ang movie nina Carlo at Nadine.
Comments