Driver tinodas ng laborer

MASBATE—Isang driver ang pinagtataga hanggang sa mapatay ng isang laborer, kamakalawa sa Bgy. Paguihaman, Uson sa lalawigang ito.

Ang biktima ay nakilalang si Sajid Tepait, samantalang, ang suspek ay si Ariel Anave, kapwa nakatira sa nabanggit na bayan.

Ayon sa ulat, habang nag-iinuman ay nagkaroon ng pagtatalo sina Tepait at Anave na humantong sa pananaga ng suspek sa biktima.

Namatay sa mismong pinangyarihan ng krimen si Tepait, samantalang, agad namang nadakip ng mga awtoridad si Anave.