FOLAYANG VS. AOKI SA REMATCH; LEE KONTRA XIONG JIN SA ONE TOKYO

INANUNSIYO ng ONE Championship ang kum­pletong card ng ONE: A New Era na idaraos sa Marso 31 sa iconic Ryogoku Kokugikan sa Tokyo, Japan.

Sa main event ng ONE: A New Era, haharapin ni reigning ONE Lightweight World Champion Eduard “Landslide” Folayang ang Japanese martial arts legend at dating World Cham­pion Shinya Tobikan Judan Aoki sa isang rematch.

Noong Nobyembre 2016, nasungkit ni Folayang ang ONE Lightweight World Title mula kay Aoki sa 3rd-round TKO, pero isinuko ang korona kay Martin Nguyen nang sumunod na taon. Noong Nobyembre, binakante ni Nguyen ang titulo kaya nakuha ng Pinoy ang korona sa dominanteng five-round unanimous decision laban sa Singaporean knockout artist na si Amir Khan.

Samantala, hawak ni Aoki ang three-bout win streak nang talunin si Rasul Yakhyaev at Ev Ting sa submission at tapusin si Shannon Wiratchai sa TKO. Ang tatlong panalo ang nagpa­angat sa Japanese icon para sa isa muling laban sa ONE Lightweight World Title at magkatsansa na talunin ang dating conqueror.

May trio ng co-main events din, sa unang bakba­kan sina reigning ONE Wo­men’s Strawweight World Champion ”The Panda” Xiong Jing Nan na dedepen­sahan ang korona kontra ONE Women’s Atomweight World Champion Unstoppable Angela Lee. (MC)