CANTADA, DEL ROSARIO, MAY UPDATE SA TOPS

TATLONG high-rankings officials ngayong Huwebes ang magiging panauhin ng Tabloids Organization in Philippines Sports (TOPS) sa 12th Usapang Sports sa National Press Club sa Intramuros.

Magiging hot topic ni Philippine Volleyball Federation (PVF) president Edgardo “Boy” Cantada ang walang katapusan na kontrobersiya sa local volleyball kabilang na ang matagal nang ‘sigalot’ sa liderato na nakaaapekto sa sport.

May update naman si dating Azkals mainstay Anton del Rosario tungkol sa season 3 ng PhilAm Life 7s Foot­ball League at Megaworld 7s Youth Football League na idinaraos sa kasalukuyan sa McKinley Hill Stadium sa Taguig.

Paghahanda naman ng bansa ang paksa ni Federation of School Sports Association of the Philippines (FESSAP) President Robert Calo para sa 30th Sunmer Univer­siade sa Napoli, Italy sa Hulyo at ang pagbubukas ng Philip­pine Inter-Schools, Colleges and Universities Athletic Association (PISCUAA) sa Marso.

Ilan nang sports personalities ang unang naging bi­sita sa lingguhang forum gaya nina PSC Chairman Butch Ramirez, GAB chairman Baham Mitra (1st edition); Go For Gold patron Jeremy Go at coach Ednalyn Hualda, PTTF president Ting Ledesma, URCC founder Alvin Aguilar at Cricket Association GM Faisal Khan at cap­tain Jonathan Hill (2nd edition).

Nagsalita rin sina PCKDF president Jonne Go at coach Len Escollante, actor-director Carlo Maceda at Malabon team owner Rinbert Galarde at motocross organizer Sam Tamayo at riders Bornok Mangosong at Jasmin Jao (8th).

Inaanyayahan ng TOPS ang sports community na dumalo at magtanong sa weekly session na ito. (MC)