Sey ng experts... PAGKAKAROON NG OILY SKIN, EPEKTIB NA PANLABAN SA SIKAT NG ARAW!

Donna Thea Topacio / Gulat ka 'noh?!

NABUBUWISIT ka na ba kapupul­bos dahil sa oily skin mo? Oks lang ‘yan, besh, dahil ayon sa pag-aaral, ang pag­kakaroon ng oily skin ay maraming magandang epekto sa tao lalo na sa mga ayaw tuman­da at umitim. Ehem!

Ayon sa mga eks­per­to, ang pagkaka­roon ng oily skin ay kering maka-de­fense laban sa skin damage na nakuku­ha sa UV rays. Ito ay dahil ang pagkakaroon ng oily skin ay tulad ng SPF na nakikita natin sa mga lotion at moisturizer.

Kung saan sa pagkaka­roon ng oily skin mas ma­kaiiwas kayo sa pangingi­tim at sunburn.

Bagama’t, nakaiirita ito lalo na sa mga beshy natin diyan na feeling dugyot kapag oily ang mukha, pu­wede rin naman kayong maglagay na lang ng sun­screen, basta ‘yung may mas mababang SPF nang sa gayun ay maiwasan ninyo ang pagkakaroon ng pore clogging.

Gayunman, sa mga worried na tumanda ri­yan, may sagot na sa problema ninyo dahil ayon sa pag-aaral, nakababata umano ang pagkakaroon ng oily skin dahil kaya nitong ma­labanan ang pagkakaroon ninyo ng kulubot na ba­lat, gayundin ng wrinkles at iba pa.

Samantala, kailangan pa rin nating mag-ingat dahil may tsansa na mag­karoon ng taghiyawat kung may oily skin kayo, kaya make sure na gaga­mit pa rin kayo ng clean­ser at toner na mayroong sa­licylic acid dahil may sang­kap ito na nakae-ex­foliate at nakapagpapaliit ng pores.

Dagdag pa rito, ang oily skin ay nakapagpapa-hydrate ng balat dahil ayon sa artikulong isinulat ni Alan M. W. Porter na nai-published sa Journal of the Royal Society of Me­dicine, ang pagkaka­roon ng balat na natural na nagpo-produce ng oil ay malaki ang maitutu­long para mapanatili ang hy­dration lalo na tuwing pi­nagpapawisan tayo.

Maliban pa rito, hindi rin umano nakabubuti sa mukha kung sa tuwing oily tayo, eh, palagi tayong naglalagay ng pul­bos o make-up dahil maa­ari lang itong maglagay ng dumi sa pagtagal ng pa­nahon. Kaya ang payo ng mga eksperto, sa tu­wing mag-eeher­sisyo, mainam kung gaga­mit ng mga pro­dukto na mayroong sebum dahil nakada­ragdag ito ng ganda sa ating balat.

Kaya sa mga be­shy natin diyan na mas­yadong worried sa pagka­karoon ng oily skin lalo na sa kanilang t-zone area, don’t worry na, ha?

Lahat ng bagay na ating nararanasan ay may ma­buting naidudulot din sa ating kalusugan at ka­ta­wan, kaya huwag tayong masyadong ma-bothered. Okie?

Have a flawless and healthy skin, mga beshy!

Copy? Hi-hi-hi!