Japorms, parehung-pareho na raw… NADINE, PINATUTSADAHANG MANGGAGAYA NG EX NI JAMES

Vinia Vivar / FRANKLY SPEAKING

Sinagot ni Nadine Lustre kahapon sa media conference ng latest film niyang Ulan ang tungkol sa isyung nangongopya siya ng estilo ng iba.

“I think, I have my own style and I look for inspiration like from other celebrities, Hollywood celebrities, and I think I have my own individualities naman. I don’t see anything na parang kokopyahin ko,” pahayag ni Nadine.

Nagsimula ang isyung nango­ngopya si Nadine nang mag-post ang ex-girlfriend ni James Reid na si Ericka Villongco ng nakakain­tri­­gang statement bagama’t wala na­man siyang tinutukoy na panga­lan.

“B*tch I’m gleaming (sparkles emoji) these rumors I’ve been hearing are annoying affff, hate to bring up this (poop emoji) again but its still not okay to completely copy someone else’s style. Its absolutely fine to be inspired by something, but when you obviously replicate everything & try to change yourself you’ve gone too far. When you copy an art style you pretend to have, you lose yourself,” ang post ni Ericka.

Marami ang nagpalagay na si Nadine raw ang tinutukoy ni Ericka dahil kapansin-pansin na marami nang similarities ngayon ang dalawa like they’re both into music, parties at pareho na rin daw ang kanilang fashion.

Well, at least nilinaw ni Nadine na kumukuha nga siya ng inspirasyon pero sa mga Hollywood celebs naman.