'Di na raw puwedeng love team… ALDEN, HANGGANG GUEST LANG SA SHOW NI MAINE

Nitz Miralles / BIDA

Matutuloy na pala ang guesting ni Alden Richards sa Daddy’s Gurl, ang sitcom nina­ Vic Sotto, Maine Men­doza at Wally Bayola at sa February 28 na ang taping ni Alden.

Ipinauna na ni Director Chris Martinez na hindi birth­­day episode ni Maine (na birthday sa March 3) ang airing ng episode na guest si Alden. Wala pang exact date ang airing, basta sa March mapapanood.

Controversial ang gues­ting ni Alden sa Daddy’s Gurl dahil kung matagal nang hinihintay ng AlDub fans na mapanood na magkasama ang dalawa, may grupo na­man ng mga fans na ayaw nang mag-guest si Alden sa show.

Hindi lang puwede ang request ng ibang AlDub fans na gawing regular si Alden, o kaya’y recurring ang role. Pati ang request na i-guest si Alden sa two-part summer special, hindi rin puwede.

Anyway, mula nang mabali­tang magsasama sa pelikula sina Alden at Kathryn Bernar­do, marami ang nag-aabang ng update. Sa nabasa naming feedback, marami pa rin ang gustong matuloy ang movie nina Kathryn at Alden.

Samantala, masusundan sa Holy Week ang Iceland trip ni Alden dahil sasama ito sa pagbiyahe ng Da­barkads ng Eat...Bulaga! sa Holy Land sa Holy Week. Treat ni Mr. Tony Tuviera ang biyahe, pero hindi raw lahat ng Dabarkads ay makakasama.