Negosyante tepok sa 2 armado
Pabs Hernandez III
Feb 23, 2019
1 min read
NORTH COTABATO—Isang negosyante ang namatay nang barilin ng dalawang hindi kilalang armadong salarin, kamakalawa sa Bgy. Poblacion, Kabacan sa lalawigang ito.
Ang biktima ay nakilalang si Joel Magnaje, residente ng nasabing barangay.
Nabatid na habang nasa loob ng kanyang bahay si Magnaje ay biglang pumasok ang mga suspek at agad pinagbabaril hanggang sa mapatay ang biktima.
Iniimbestigahan na ng pulisya ang motibo ng mga suspek sa pamamaslang sa biktima.
Comments