Lalaking nanaga sa ulo at mga patay
Salaminin natin ang panaginip ni Zhow ng Zhow _Wei@facebook.com
Dear Professor,
Ano ang kahulugan ng panaginip ng ate ko? May payat daw na lalaki na galit sa akin, tapos, wala raw itong kibo at bigla na lang akong tinaga sa ulo.
Ako naman, nanaginip ako na may tatlong matandang lalaking patay na kakilala namin. Sana, masagot ninyo ang mga ito.
Thank you!
Naghihintay,
Zhow
Sa iyo Zhow,
Ang ate mo, iha, ay pinaghaharian ng lihim na kalungkutan. May dahilan kung bakit tinatalo ng lungkot ang tao. Marahil, bigo siya sa love life, ibig sabihin, posibleng naghiwalay sila ng kanyang BF.
Pero, puwede rin na kaya siya bigo sa love life ay dahil wala siyang boyfriend.
Alam mo, iha, ang lihim na kalungkutan ay madalas ding sanhi ng taong ayaw umusad ang buhay, kumbaga, kapag ang tao ay hindi umaasenso kahit ano ang kanyang gawin, siya ay paghaharian ng lihim na kalungkutan. Kaya ang kanyang mga panaginip ay sobrang negatibo tulad ng napanaginipan ng ate mo na payat na lalaki na tumaga sa ulo mo.
Kaya ang payo ng kapalaran sa kanya, dapat ay magsaya, mamasyal o makipagkuwentuhan siya. Mas mabuti rin kung sa mga tsismosa siya makikipagtsikahan. Nakakatawa, ‘di ba? Pero, ayon sa mga dalubhasa, ang pakikipagtsismisan ay posibleng maging gamot sa depresyon.
Ikaw naman, dahil nanaginip ka ng tatlong patay na lalaki na kakilala ninyo, kakaiba ang interpretasyon ng panaginip mong ito, pero nakatutuwa at baka nga mabigla ka pa dahil ito ay nagsasabing, puwede kang manalo sa mga pakikipagsapalaran kapag nakararanas ka ng pangit na pangyayari sa iyong buhay.
Kakaiba, ‘di ba? Dahil ang madalas na payo para manalo ay ang tayaan ang masasayang araw tulad ng date of birth, petsa kung kailan nagka-boyfriend at iba pa dahil ang mga petsang nabanggit ay ang masusuwerteng petsa ng mga tao.
Pero muli, dahil nanaginip ka ng tatlong lalaking patay na kakilala ninyo, subukan mo ang nasabing mensahe ng panaginip mo para sa iyo.
Hanggang sa muli,
Professor Seigusmundo del Mundo
Comments