Kahulugan na may feeling pa para sa ex-husband

Socrates Magnus

Salaminin natin ang panaginip ni Nethneth ng Neth_Nenent@facebook. com

Dear Professor,

Gusto kong malinawan sa mga panaginip ko. Pa­lagi kong napananagi­ni­pan ang dati kong asawa.

Palagi niya akong si­nasaktan at dahil du’n, mabigat ang kalooban ko sa kanya.

Nanaginip din ako na may kasama siyang ibang babae, kaya sobra akong nasaktan at nalungkot.

Sa ngayon, hindi ko iniisip ang dati kong asawa dahil sa totoo lang ay okay na ako.

Ano ang ibig sabihin nito?

Salamat!

Naghihintay,

Nethneth

Sa iyo Nethneth,

Hindi totoo na okay ka na, iha, dahil ang panaginip ay hindi nagsisinungaling. Pero, ang taong nanaginip, kadalasan ay nagsisinunga­ling. Ang totoo nga, halos la­hat naman ay dinaraya ang kanilang mga sarili na kahit hindi okay ay okay ang si­nasabi.

Ayon sa panaginip mo, mahal mo pa rin ang dati mong asawa, pero siyem­pre, dahil ang sabi mo ay okay ka na, hindi mo aaminin na siya ay mahal mo pa.

Alam mo, iha, ‘yan mis­mo ang problema ng mara­ming Pinay, lalo na kapag nalaman nila na ang mahal nila ay may mahal nang iba, pero marami rin namang ka­hit nambababae ang asawa ay dedma lang basta sila ang inuuwian.

Ngunit, marami ring na­sira ang pamilya dahil ayaw pumayag ang nauna, kaya naging broken-family sila.

Ito ang uso ngayon, kaya minsan, parang nagiging pangkaraniwan na lang at hindi na pinahahalagahan ang totoong kahulugan ng kasal.

Gayunman, kung tala­gang naka-move on ka na, bakit hindi mo subukang muling magmahal? Kapag hindi mo nagawa, kahit hin­di mo sabihin, ibig sabihin, hindi ka pa okay.

Mas maganda ang ika­lawang hamon dahil kapag muli mong binuksan ang iyong puso sa pagmamahal, papasok ang bagong pag-ibig at ang bagong pag-ibig ay simula ng pagkakaroon mo ng bagong buhay.

Hanggang sa muli,

Professor Seigusmundo del Mundo