Alamin mula kay Maestro...MGA BUWENAS NG TIGRE NGAYONG 2019

Maestro Honorio Ong

SINASABING hindi lang likas na lapi­tin ng suwerte at magagan­dang kapalaran ang mga Tigre, sa halip, as long as, nama-ma­nage o napaglalabanan nila ang mala­lim na takot sa ka­nilang puso na hindi rin nila alam kung bakit sila ganu’n, ang ta­gumpay at magandang kapalaran ay kusa nilang makukuha.

Ibig sabihin, kaila­ngang ma­tutunan ni­lang labanan ang takot na na­na­nahan sa kanilang puso at kailangan nilang maka­pagpasya ng tama dahil sa ganu’ng para­an, matitiyak nila ang ma­laking tagum­pay na na­ka­laan para sa kanila, par­tikular ngayong Taon ng mga Baboy.

Kaakibat din ng kapa­laran ng Tigre ang tina­tawag na “unpredic­ta­bi­lity” kung saan ang ka­nilang mga tagumpay at su­werte ay ka­gulat-gulat at hindi ina­asahan. Kada­lasan, ma­lalaki at bigla-bigla kung du­ma­ting ang kani­lang mga buwenas higit lalo sa mga bagay na may ka­ug­­nayan sa salapi, career at mater­yal na bagay.

Kaya lang, pagkatapos ma­ha­wakan ng mga Tigre ang malalaking buwenas at suwerte, ang nagiging kasunod nito ay pag-iisa at kalungkutan. Pero, minsan naman ay vice-versa kung saan mauuna ang pag-iisa at malalim na kalungkutan, ngunit, paglipas ng mga ilang araw o buwan ay mala­laking suwerte at magagandang kapalaran ang makukuha nila. Oo, ganu’ng-ganu’n ang pattern o ang itinak­dang ka­palaran sa mga Tigre, hindi simple, sa halip ay kumplikado, pero siyempre, palaging mas marami ang buwenas kaysa sa negatibong mga pangyayari, lalo na ngayong 2019.

Dagdag pa rito, kadalasan ay inaakala ng iba o ng mga nakaki­kilala sa kanila na magara, padas­kul-daskol at marahas ang ugali ng Tigre, pero ang totoo, sobrang ma­lam­bot ang kanilang puso at napaka­maawain lalo na sa mga inaapi at mga maralita. Sa madaling salita, mabilis na ma­­ha­bag ang puso ng Tigre kapag nakakikita sila ng mga naghihirap at sobrang inaapi ng tad­hana.

Dahil sa kanilang kababaan ng loob at malambot na puso, ang mga Tigre ay palaging pinagpapala ng langit na kahit dumanas pa sila ng mga kabiguan at mabibigat na problema ay palaging ibinababa ng nasa itaas ang Kanyang mga kamay upang tulungan at iahon ang Tigre sa anumang problemang kan­yang kinahaharap.

Kaya kung ikaw ay Tigre, anuman ang mangyari sa iyong kapalaran ngayong 2019, umasa ka na ang lahat ng ito ay panandalian lamang at sa bandang huli ay mauuwi rin ito sa maganda, masagana at maligayang karanasan.

(Itutuloy)