PAKIUSAP SA NSO NG PSC: GABAYAN AT TUTUKAN ANG MGA ATLETANG SASABAK PARA SA SEAG

SA hangarin na ma­ging matagumpay ang kampanya ng ‘Pinas sa Southeast Asian Games, sinabi ni Philippine Sports Commission Chairman William Ramirez na kaila­ngan maging seryoso at de­terminado ang mga atleta para makamit ang pinaka-aasam-asam na tagumpay at muling ibalik ang dangal at paghanga sa kanila ng mga banyagang mga ka­laban sa larangan nang pa­lakasan.

Sinabi niya sa mga namumuno sa mga Na­tional Sports Associations at mga coaches na huwag sayangin ang panahon at masusing gabayan ang kanilang mga atleta sa ka­nilang paghahanda para makamit ang minimithing tagumpay.

“All I ask them to train hard and become highly competitive.This is one mo­ment in time all of us work toge­ther, consoli­date our ef­forts and pull our resources together for one just cause leading the path to suc­cess,” sabi ni Ra­mirez.

Bilang kaagapay nari­yan ang PSC na handang tumulong sa kanilang mga pangangailangan kung saan muli na naman silang makikipagtunggali sa mga kalaban galing sa 10 mga bansa sa 56 sports sa sam­pung araw na paligsahan na tinaguriang “Southeast Asia biggest sports spec­tacle” na huling ginanap sa Malaysia noong 2017.

Nabanggit ni Ramirez ang mga kabayanihan ng Pinoy athletes sa huling ginawang SEAG sa bansa noong 2005 kung saan humakot ng 113-84-94 to­tal medals at hinigitan ang 91-61-87 noong 1991 at 52-51-64 noong 1981.

Gagawin ang 30th edi­tion ng biennial meet sa Nobyembre sa bagong gawang New Clark City Sports Complex sa Pam­panga.