8 TEAMS, SUMABAK NA SA 2019 JML PREMIERSHIP 15S RUGBY

NAGSIMULA na ang rugby season sa bansa sa paglahok ng walong kopo­nan sa 2019 JML Premier­ship 15s tournament sa Southern Plains ng Laguna gayundin ang papaigting na paghahanda sa world quali­fiers ng Philippine Volca­noes.

Sumibad sa magandang arangkada ang HMR Ibons sa “Pool A” pagkatapos ni­tong nalusutan ang hamon ng Clark Jets-Sharks, 33-29.

Dikdikan ang sagupaan at kahit noong first half, wa­lang nakatitiyak kung aling koponan ang magwawagi dahil dalawa lang ang na­ging agwat ng HMR, 19-17.

Nakasabay din sa trang­ko ang mga Manila Nomads na nagpadapa sa SKF Ma­vericks sa iskor na 45-35 sa sagupaang Pool B.

Kasama sa mga naka­pagposte rin ng panalo ang koponan ng pre-tournament topseed Eagles RFC at ng Makati Chiefs na nangiba­baw laban sa Manila Cara­baos at Albay Bulkans ayon sa pagkaka­sunod-sunod.

Sa kababaihan, inilam­paso ng JML ang katuung­galing SKF Lady Mave­ricks, 83-7, para sa unang panalo nito.

Hindi pinagdu­dahan ang resulta ng laban dahil sa half­time pa lang ay kumakain na ng alikabok ang huli, 38-7.

Nakasabay sa lead pack ang HMR Lady Eagles na nangibabaw laban sa Makati Lady Chiefs

Samantala, ilang linggo na lang at sasabak na ang Phi­lippine Volcanoes sa 2019 World Rugby Sevens Series Qualifier sa Hong Kong.

Ito’y isang malaking ka­ga­na­pan para sa Philip­pine rugby dahil kung magi­ging matagumpay ay mag­ka­ka­roon ng tsansa ang Pi­lipinas na makapasok sa world stage ng rugby.

Na­una, rito, nakuha ng mga Volcanoes ang karapa­tang lumahok sa Hong Kong tilt matapos na hira­nging pangatlong pina­ka­malupit na rugby nation sa buong Asya.