Nanlabang pusher patay

LAGUNA—Isang drug pusher ang napatay nang manlaban at makipagbarilan sa pulisya na nagsagawa ng drug-bust operation, kamakalawa sa Bgy. Oples, Nagcarlan sa lalawigang ito.

Kinilala ang suspek sa alyas Toto, pansa­man­talang naninirahan sa nasabing barangay.

Nabatid na bigla umanong pinagbabaril ni “Toto” ang pulisya nang malaman niyang mga awtoridad ang katransaksiyon niya sa bentahan ng droga.

Agad namang gumanti ng putok ang mga awtoridad kaya napatay ang suspek.