Malinaw ayon sa palad... BABAENG NAKATAKDANG MASAKTAN KUNG UUNAHIN ANG PAGHAHANAP NG KASINTAHAN

Maestro Honorio Ong

KATANUNGAN

1. Nag-break kami ng boyfriend ko pagkata­pos ng isang taon naming relasyon, pero hanggang ngayon ay mahal na ma­hal ko pa rin siya. Nais kong malaman kung magkakabalikan pa kaya kami, kahit may ni­li­ligawan na siyang iba at ang masakit dito ay best­friend ko pa?

2. Magkakabalikan pa ba kami at kung hin­di na, sino ang la­laking inilaan sa akin ng kapa­laran at kailan ko siya makikilala at dara­ting?

3. Nais ko ring mala­man, Maestro, kung makapag-a-abroad ako bilang caregiver na si­yang propesyon ko nga­yon?

KASAGUTAN

1. Huwag mo ng isi­pin ang ganyang klase ng lalaki dahil pampagulo lang siya sa buhay mo. Ito ang nais sabihin ng ma­raming bilog at putul-putol na Heart Line sa unahan hanggang gitnang bahagi (Drawing A. at B. h-h arrow a. at b.) sa kaliwa at kanan mong palad.

2. Tanda na sa edad mong 25 pataas, malabo ka pang lumigaya at mag­tagumpay sa larangan ng pag-ibig kung saan sa tu­wing makikipagrelasyon ka, pagluha lang ang iyong mararanasan.

3. Kaya tulad ng nasabi na, sa panahon ngayon hu­wag mo ng intindihin ang lalaking ‘yan at ang tung­kol sa pag-ibig dahil pam­pagulo lang sila sa iyong buhay. Sa halip, tama ang ginagawa mo ngayon, mag-concentrate ka sa gi­nagawa mong pag-a-apply sa abroad dahil kung pa­ngit ang iyong Heart Line (h-h arrow a. at b.), sadya namang pinagkalooban ka ng maganda, malawak at maaliwalas na Travel Line (Drawing A. at B. t-t arrow c.) sa kaliwa at kanan mong palad.

4. Tanda na sa pangi­ngibang-bansa, susuwer­tehin ka at sa nasabing pag-a-abroad, mas madali mo ng makalilimutan ang mga nagdaang kabiguan sa la­ra­ngan ng pag-ibig upang minsan pa, kapag nakali­mutan mo na ang nasabing lalaki, sa pag-a-abroad ay aasenso at si­gu­radong mag­tatagumpay ka at sa ban­dang huli, sa pa­nahong may asawa ka na ay mag­kakaroon ka ng maliga­yang pamilya, ha­bambu­hay na kinumpirma ng ma­­ganda at makapal na Mar­riage Line (1-M arrow d.) sa kaliwa at ka­nan mong palad.

5. Tanda na kung bigo ka sa una mong pag-ibig, umasa kang sa panahon ng pag-aasawa, tiyak ang ma­gaganap, magtata­gumpay ka at tulad ng nasabi na, magkakaroon ka ng ma­li­gaya at panghabambuhay na pamilya.

MGA DAPAT GAWIN

1. Sa kaso mo, Cherry, hindi pa panahon upang umibig at ma-in love ka, sa halip, ang angkop at ang ta­mang panahon sa kasa­­luku­yan ay ang pag-a-ab­road.

2. Ayon sa iyong mga datos, nakatakda itong mangyari ngayong 2019, sa edad mong 25 pataas kung saan may mabunga at mabiyayang pangingi­bang-bansang itatala sa iyong kapalaran habang sa pagsapit ng taong 2022, sa edad mong 28 pataas, ‘yun ang panahon na muli kang mai-in love at mag­kakaroon ng bagong boy­friend na may zodiac sign na Libra kung saan ang lalaki na ngang ito ang ma­kakasama mo sa pagbuo ng maligaya at pang­ha­bambuhay na pamilya.