MISAL, PAMBATO VS. FOREIGN RIVALS SA 9TH FLEXIBLE CUP

MAPAPALABAN ang local table tennis warriors sa pangunguna ni veteran internationalist John Russell Misal sa foreign rivals sa pagpalo ng 9th Flexible Cup ngayon sa Activity Center sa Harrison Plaza, Manila.

Galing sa matikas na kampanya sa World Championship of Pingpong kung saan umabot siya sa Round-of-16 nitong nakalipas na linggo sa London, pangungu­nahan ni Misal ang laban ng local table netters sa Men’s single event.

Kasama sina dating National Champion Julius Esposo at Chen Lei Xin, sabak din ang 22-anyos at dating UAAP champion mula sa National University sa Men’s Open team event. “Kakayanin po natin. Pero talagang ang target ko po ay gold medal. ‘Yung experience ko po sa World Championship medyo advantage po para sa akin,” sambit ni Misal sa kanyang pagbisita sa Tabloid Organization in Philippine Sports (TOPS) ‘Usapang Sports’ kahapon sa National Press Club (NPC) sa Intramuros, Manila.

Kasama ni Misal sa TOPS forum si Charlie Lim, honorary president ng organizing Table Tennis Association for National Development (TATAND) na bahagi rin ng local team sa 50 above division ng torneo na itinata­guyod ng Flexible Packaging Corporation. “Over 400 players are signed up for this year’s event. We organized this for 18 years, biennial event ito and this is part of our contribution for grassroots development for table tennis,” pahayag ni Lim.

Iginiit ni Lim na ang namayapang si Yanyan Lariba, unang Pinay na nakalaro sa Olympics (Brazil) ay nagsimula sa programa ng TATAND. Sasabak din ang reigning UAAP champion UST, defending NCAA champion College of St. Benilde, Cebu Huaching Team nina dating PH No.1 Richard Gonzales , Jann Nayre at Stephen Jaca.

Lalaro rin ang Phl Fleet Marine Team, Phil Army Team 7, PNP crime lab- Altruists, Omila Sports Academy ng Gensan.

Pangungunahan ni dating Indonesian champion Yon Mardiyono ang Indonesia, habang tiyak ang mga contender na Malaysia (Jr National Team), University of Taipei, Xiamen, China Fuji­an Province na binubuo nina Chen Lei Xin at Xie Chong 5, gayundin ang Taiwan Team, Foshan,

Lalaro sa high school division, tampok ang mixed team event ang ADU / LETRAN nina Karlo Almacem Jed Villavirq, Jes­maine Tayag, Aljay Villena at E. Kathlyn Gabisay; kasa­ma sa La Salle team sina Dino Marcelo, Ej Yamson, Angel Joyce Laude, Sm Bautista at Danielle Marcelo.