ABL: HONG KONG PINALASAP ANG PAGKATALO SA ALAB

NALASAP ng San Mi­guel Alab Pilipinas ang ka­nilang pangatlong talo sa season matapos daigin ng Hong Kong Eastern, 88-83, noong Miyerkules ng gabi sa ASEAN Basketball Lea­gue sa Southorn Stadium sa Hong Kong.

Dinomina ni Sam De­guara at Michael Holyfield ang laro upang basagin ang winning streak ng Alab Pilipinas na natigil matapos ang pitong laro. Nagtala ng 18 points at 31 rebounds si Deguara habang gumawa ng 19 points at 20 rebounds si Holyfield para umakyat ang kartada ng Hong Kong Eastern sa 12-9.

Nagtipa ng 29 points, 5 rebounds, at 3 rebounds si Bobby Ray Parks para sa Alab na may 3-3 na kartada sa mga laro sa labas ng ban­sa. Hindi naman nakalaro ang 7-foot-3 import ng Alab na si PJ Ramos dahil sa food poisoning.

Umabot sa 14 ang kala­mangan ng Hong Kong Eas­tern sa first quarter, ngunit isang tres ang naibuslo ni Parks para makuha ng Alab Pilipinas ang kalamangan, 72-71. Naging anim ang la­mang ng Alab, ngunit isang 11-6 run sa huling limang minuto ng laro. “I didn’t know how the game was going to be. I’ve been wor­king since last game. Shows on the court – the work on the side. I didn’t expect nothing. I did my best to stay focused till the last minute to help the team stay focused too,” wika ni Deguara.