SAN JUAN AT KYUSI, NANGWALIS SA N.E. AT SAN MATEO SA CBA

WINALIS ng San Juan at Quezon City ang kani-kanilang mga katunggali sa pagpapatuloy ng 2019 Community Basketball Association (CBA) Foun­der’s Cup sa San Juan gym kamakailan.

Pinabagsak ng San Juan ang Novo Ecijano, 92-80, para sa ika-dala­wang dikit na panalo ha­bang naungusan ng Que­zon City ang San Mateo, 92-84, sa overtime para magpasikat sa kanilang kampanya.

Nagpakitang gilas sina Noah Lugo, Joshua Saret, Lester Reyes, Christian Bunag, Jonard Clarito at Joseph Ubalde para sa San Juan nina team owners Joey Valencia at Jay Can­cio at coaches Randy Al­cantara at Yong Garcia.

Umiskor si Lugo ng 19 puntos, kabilang ang 3-of-5 shooting mula rainbow territory, sa 24 minutong paglalaro para sa Knights Exile, na unang nagwagi 103-74 laban sa Malabon noong Peb. 3.

Nag-ambag si Saret ng 16 puntos, si Reyes ay may 12 puntos at 9 rebounds at sina Bunag, Clarito at Ubalde ay may tig-8 pun­tos para sa San Juan. Para sa Novo Ecijano, nanguna sina Juan Romano To­lentino (19 puntos), Ste­phen Cudal (9 puntos at 7 rebounds) at Clarence Santos ( 9 puntos).

Ang CBA ay itinatag ni actor-director Carlo Ma­ceda. Si Pido Jarencio ang consultant at si Beaujing Acot ang operations head. (MC)