Abandonadong bahay nasunog

PANGASINAN—Isang abandonadong bahay ang nasunog, kamakalawa sa Bgy. Poblacion West, Calasiao sa lalawigang ito.

Ayon sa mga residente, biglang sumiklab ang apoy sa naturang bahay kaya humingi sila ng saklolo sa mga bumbero at makalipas ang ilang oras ay naapula ang apoy.

Iniimbestigahan na ng mga awtoridad ang sanhi ng sunog upang malaman kung sinadya itong sunugin dahil matagal na umanong walang gumaganang kuryente sa nasabing abandondong bahay.

Wala namang iniulat na nadisgrasya sa naturang sunog.